Foz, 20 de setembro de 2015.- Foz Plataforma de Futuro ven de celebrar con éxito o seu Primeiro Congreso Ordinario os días 19 e 20 de setembro. Este Congreso levaba por título «Con ollada longa, valentía, responsabilidade e futuro».
Na apertura do Congreso tomou a palabra o actual portavoz da Plataforma Luis Alfonso Sixto Legaspi para facer un repaso da situación actual da Plataforma e felicitar a todos os participantes no Congreso pola súa asistencia e polo gran traballo que se fixo para facelo posible. Posteriormente debatíronse a definición política da Plataforma, as enmendas ós Estatutos, a definición organizativa, as directrices económicas ou o Estatuto do cargo público.
Deste Congreso saíron elexidos por unanimidade os cargos para a Coordinadora de Goberno da Plataforma. Unha elección á que se podía presentar calquer simpatizante mediante listas abertas e coa disposición de unha persoa un cargo. Quedaron proclamados despóis das votacións as seguintes persoas para os cargos da Coordinadora de Goberno da Plataforma:
Coordinadora Xeral:
Guadalupe Neira Luaces
Coordinador Secretario:
Ramón Manuel Rodríguez Piñeiroa
Coordinador Tesoreiro:
Ignacio Fernández López
Coordinadores de Área:
José Manuel Casabella Otero
Isabel Cabana Barrera
Javier Gil Cillero
María Jesús Díaz Cao
Desta Coordinadora de Goberno formarán parte os Concelleiros electos Luis Alfonso Sixto Legaspi, Juan Luis González Riveiro e María Peña Rubiños Fernández.
Tamén saíron elexidos os membros para os cargos de Defensor do Simpatizante e a Comisión de Garantías Democráticas.
Defensora do simpatizante:
Estefanía Otero Rivas
Comisión de Garantías Democráticas:
Miguel Barral García
Marcos Lastra Varela
Loly Sampaio González
A clausura do Congreso correu a cargo da recén elexida Coordinadora Xeral Guadalupe Neira Luaces, que apelou a todos os recén elexidos membros da Coordinadora de Goberno a traballar duro para facer da Plataforma un intrumento ó servizo dos veciños e veciñas de Foz, facer desta Plataforma un proxecto gañador para as seguintes eleccións municipáis. Rematou este Congreso con un gran aplauso e felicitacións ós membros da nova Coordinadora
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
O alumnado da escola dará mostra do resultado das moitas horas de ensaio e convida á veciñanza a disfrutar con eles. Durante esta última quincena do mes estase traballando tamén na XXXIX Feira do Bonito, programada para os vindeiros 2 e 3 de agosto. Pódese decir que comeza coa convocatoria do concurso de carteis que ten xa gañadoras: na categoría A (ata 14 anos) Anxela Regal Rico, e na categoría B (maiores de 14 anos) Maite Fernández Cendoya; os seus traballos faranse públicos en poucos días e aparecerán no programa de man e no cartel anunciador da Feira.
Na Praza dos Campos concienciu e formou á veciñanza sobre a correcta separación dos residuos. A través dunha proposta visual e interactiva, explicaron por que é importante evitar impropios nos contedores e como reciclar con calidade. Unha iniciativa que se enmarca na campaña Coida Cervo. A edil de Medio Ambiente, Mali Méndez, achegouse ata alí na compañía das crianzas que asisten ao programa Cervo Concilia.
