San Cibrao, 21 de setembro de 2015.- Alcoa San Cibrao organizou a IX Semana Galega da Seguridade na Mariña, que se celebra do 22 ao 24 de setembro no Pavillón de Deportes de San Cibrao (Cervo), cun enfoque particular nun tema de interese xeral para todos os cidadáns como é a xestión eficaz das urxencias e seguridade no fogar.
Os alcaldes de Cervo e Xove, Alfonso Villares e Demetrio Salgueiro respectivamente, acompañarán á directora da planta de Alúmina de Alcoa San Cibrao, Raquel Vázquez, e ao Subdirector Xeral Técnico e de Planificación do ISSGA, Fernando González Abeijón, na inauguración das xornadas no Pavillón de Deportes de San Cibrao, onde se instalarán os stands de distintas empresas participantes e desenvolveranse distintos talleres e actividades.
O evento, coordinado por Miguel Carrillo, Xefe de Saúde e Seguridade de Alcoa San Cibrao, lévase a cabo coa colaboración do Concello de Cervo, Instituto Galego de Seguridade e Saúde Laboral (ISSGA), FREMAP, así como distintas institucións e proveedores de materiais e servizos de Prevención de Riscos. Esta edición repite o seu obxectivo de fomentar a cultura da saúde e a prevención de riscos laborais mediante conferencias divulgativas, talleres prácticos e coloquios impartidos por expertos e dirixidos a profesionais, asociacións veciñais de Cervo e Xove e a empregados do complexo industrial da Mariña. Unha vez máis, os alumnos de Primaria e Ensinos Medios tamén contarán con actividades para introducir a cultura da seguridade nas etapas educativas máis temperás.
A xornada inaugural iniciarase coa exhibición de vehículos das Forzas de Seguridade, Bombeiros e Ambulancias, un simulacro de urxencia coa participación da Brigada de Urxencia de Alcoa, Previnsa e un helicóptero de Garda Costas de Galicia. O programa continuará coa presentación da Unidade Militar de Urxencias, unha conferencia sobre plans de urxencia de Protección Civil, que tamén realizará exercicios de descontaminación de persoas.
A xornada do 23 de outubro inclúe unha diversidade de actividades dirixidas por expertos dos distintos corpos de seguridade e salvamento, así como de empresas especializadas, en temas como o uso de desfibriladores, os traballos en altura, que facer en caso dun accidente de tráfico, a excarcelación dun vehículo e prevención de roubos no fogar, ademais de sesións vespertinas centradas en aspectos da seguridade laboral, como a prevención de lesións nas costas, a seguridade no mar e a protección contra incendios en instalacións industriais.
A xornada de clausura inclúe un taller para nenos sobre seguridade vial, ademais de profundar en aspectos como a seguridade laboral como os espazos confinados, os plans de autoprotección, prevención de accidentes en PYMES, e outros de interese xeral como a prevención de lesións no fogar e de lesións nas costas.
A Semana da Seguridade de Alcoa San Cibrao consolídase como foro de referencia na comunidade autónoma en prevención de riscos laborais e saúde, cunha variada oferta de calidade en todos os aspectos tratados, grazas á participación de entidades como as forzas de seguridade -Garda Civil, Policia Local, Bombeiros, Ambulancias, Garda Costas de Galicias e Protección Civil, ademais de entidades como Fremap e Garsam. Estas xornadas, que cada ano congregan a numerosos profesionais de toda Galicia, ademais da cidadáns e mozos da Mariña, son unha demostración do forte compromiso de Alcoa coa saúde e a seguridade no traballo que fai extensivo á comunidade da contorna, mediante a promoción das mellores prácticas e a prevención.
Alcoa, líder en España no sector do aluminio, considera que os seus logros en saúde, seguridade laboral e medio ambiente son un dos seus principais indicadores de liderado global. Neste contexto, a fábrica de San Cibrao asumiu o compromiso de traballar de xeito seguro e responsable, respectando o medio ambiente e a saúde dos traballadores e da comunidade, sen arriscar este compromiso por razóns económicas ou produtivas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
