Xove (Lugo), 26 de setembro de 2015.- A secretaria xeral de Igualdade, Susana López Abella incidiu que é fundamental seguir apoiando e traballando conxuntamente con todas aquelas entidades que loitan activamente contra a violencia de xénero contra as mulleres, e especialmente con aquelas que teñen algún tipo de discapacidade.
Susana López Abella asistiu hoxe ao Encontro Provincial de mulleres con discapacidade: saúde e alimentación, organizado por ACADAR, onde relatou que segundo o IGE, na nosa comunidade hai 146.627 mulleres con algún tipo de discapacidade física, psíquica ou sensorial, polo que indicou que o recoñecemento da diversidade supón convivir nun mundo que garanta a Igualdade de oportunidades para todos e todas considerando as diferenzas, pero sen abandonar a perspectiva de que as persoas con discapacidade comparten obstáculos e dificultades co resto da cidadanía.
No ano 2010 aprobouse e púxose en marcha o primeiro plan de acción integral dirixido ás persoas con discapacidade de Galicia, como novo marco de actuación do goberno galego para o período 2010-2013, co fin de que as galegas e galegos con discapacidade gocen dunha cidadanía plena e participen activamente na vida comunitaria ata conseguir a súa inclusión en todos os ámbitos.
Unha vez rematada a vixencia do antigo Plan, a Xunta está a elaborar a Estratexia Galega sobre Discapacidade 2015-2020, segundo indicou a secretaria xeral, unha actuación que non se limita á elaboración de plans, programas e actuacións exclusivamente dirixidos a persoas con discapacidade senón que traballa por acadar día a día un cambio “cultural” da acción administrativa, para considerar a discapacidade nas accións de carácter xeral nos distintos ámbitos, desde unha perspectiva de atención integral dirixida a mellorar a vida das persoas con discapacidade, e no que a igualdade de oportunidades con carácter transversal está moi presente.
O acceso en condicións de igualdade e a permanencia no mercado de traballo son elementos fundamentais de desenvolvemento persoal que contribúen ademais á plena inclusión social das persoas con discapacidade, indicou López Abella.
Por este motivo, a Secretaría Xeral da Igualdade e Acadar asinaron o pasado mes de xuño un convenio de colaboración para o desenvolvemento dun programa de sensibilización e prevención da violencia de xénero contra as mulleres con discapacidade. Ademais, para o mes de novembro está programada en Santiago unha xornada técnica sobre violencia e discapacidade dirixida a 100 profesionais de toda Galicia, onde se presentará un caderno artístico sobre a violencia contra as mulleres con discapacidade que servirá de ferramenta sensibilizadora e formativa para toda a cidadanía.
Ademais, como novidade dentro do convenio asinado no 2014 entre a Secretaría Xeral da Igualdade e o Colexio Oficial de Psicoloxía de Galicia para o programa de atención psicolóxica a mulleres que sofren violencia de xénero e para as e os menores e outras persoas dependentes, se recolle a garantía de acceso ao programa de atención psicolóxica especializada para persoas con discapacidade auditiva e/ou da fala. Ademais o Teléfono da Muller (900 400 273) é un servizo de balde, anónimo e confidencial, que funciona as 24 horas do día e ten cobertura para toda a Comunidade Autónoma.
Este recurso esta preparado para atender a persoas con discapacidade auditiva, a través do servizo Telesor, e conta cun sistema de teletradución a 51 idiomas facilitando que a comunicación se estableza na lingua empregada pola persoa usuaria. O Centro de Recuperación Integral para mulleres que sofren violencia de xénero (CRI) de Santiago de Compostela, tamén contempla unha atención específica para mulleres con discapacidade que sofren violencia de xénero e está adaptado ás necesidades das persoas con mobilidade reducida.
Acadar
A Asociación de Mulleres con Discapacidade de Galicia forma parte de la Confederación Estatal de Mulleres con Discapacidade. Foi constituída por un grupo de mulleres con inquietudes e desexos comúns de alcanzar a igualdade efectiva de oportunidades das mulleres con discapacidade galegas, de reivindicar o cambio social e ofrecer servizos que satisfagan as súas necesidades e expectativas.
A misión da entidade é promover, coordinar e reivindicar a defensa dos dereitos das mulleres con discapacidade en todos os ámbitos da vida, facendo visible a interacción dos diversos factores que condicionan a nosa autonomía e nos sitúan nunha posición con maiores niveis de discriminación.
Na presentación participaron o delegado territorial Javier Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
