Ribadeo, 22 de setembro de 2026. En Ribadeo deron comezo as obras da renovación da tubaxe da rede de abastecemento da auga, que suporán un investimento de 7,5 millóns de euros. O alcalde, Dani Vega, subliña que é a actuación máis importante dos últimos vinte anos.
O rexedor explicou que “comezaron as obras da renovación da tubaxe da rede de abastecemento da auga, que procede de Vilarbetote. Estamos moi contentos, estamos satisfeitos do traballo que se fixo durante estes anos. Foi unha xestión dura, pero sendo constantes, sendo un goberno serio que marca as súas prioridades e dentro desas prioridades, desa xestión, este Concello xestionou 7,5 millos de euros. Ese é un orzamento moi importante, a inversión máis importante nos últimos 20 anos é a rede de abastecemento actual”.
Vega ten palabras de agradecemento para a administración galega: “agradecer á Xunta de Galicia a dispoñibilidade desde un punto de vista económico, por que aporta o 80%, pero tamén desde un punto de vista técnico, xa que Augas de Galicia asesorounos constantemente para conseguir estes recursos e así comezar canto antes as obras”.
O alcalde confirmou que as obras comezaron no día de onte: “van ser unhas obras que durante estes 15 meses vamos ter moito traballo, pero parécenos importante traballar coordinadamente, é dicir Augas de Galicia e Concello de Ribadeo. Eu agradezo todo o traballo que se está facendo desde un punto de vista técnico, porque ten moitas dificultades, ten moitos problemas, pero entre todos vamos facer posible que unha obra tan importante para Ribadeo, unha obra tan necesaria para Ribadeo sexa unha realidade. Démonos conta que nestes momentos estamos perdendo por encima do 20% da auga, que estamos tendo roturas constantes e iso convértenos evidentemente, en malos xestores da auga. Nestes momentos Ribadeo ten problemas de abastecemento da auga, temos moitas avarías, eu sempre dixen que unha avaría por día e ás veces máis dunha por día e tamén outro problema a maiores, xa que en moitos puntos chega con moi pouca forza”.
O rexedor dixo que “todo isto vámolo corrixir e isto cómo se fai? empezando polo principio, cubrindo a necesidade económica, houbo que xestionar ese 7,5 millóns de euros, senón sería imposible esta obra, marcando as prioridades dun goberno e por iso eu sempre defendín que a renovación da tubaxe da auga dende Vilarbetote e Ribadeo era algo prioritario e o primeiro que tiñamos que facer. Dende a oposición sempre o dixemos e cando chegamos ao goberno estamos cumprindo”.
E engadiu: “as obras comezaron, durante estes 15 meses vai haber evidentemente moita obra, moito traballo e entre todos imos conseguilo grazas a Augas de Galicia, que estamos coordinados con eles, tamén ao Concello de Trabada, entre todos vamos facer posible que nos sintamos orgullosos dunha obra fundamental, dunha obra prioritaria e dunha obra que marca o futuro de Ribadeo non soamente a corto prazo, que tamén, pero tamén a largo prazo para posibilitar o desenvolvemento de Ribadeo. Se queremos máis empresas, se queremos máis vivendas, é fundamental ter recurso hídrico, ter esta tubaxe, esta renovación conseguida, e así ir traballando nos próximos anos e seguir investindo en algo que é fundamental, o recurso da auga”.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
