Ribadeo, 15 de outubro de 2015.- A Asociación de Profesores de Automoción de Galicia (Apaga), con sede en Ribadeo, está inmersa no proxecto de internacionalización turística dos municipios da Mariña, dentro dos programas europeos nos que participa e que xa os levaron este ano a Italia, Alemaña e a República Checa. Álvaro Doural, o presidente do colectivo, asegura que a comarca ten moitas potencialidades á hora de atraer visitantes internacionais.
O presidente de Apaga contou que “o ano pasado empezamos a traballar un pouco co Concello de Ribadeo nese aspecto e este ano estámolo abrindo a todos os Concellos da Mariña. A verdade é que na zona de Burela, Foz e Viveiro aínda non falamos cos rexedores, cos alcaldes e alcaldesa, no caso de Viveiro, pero queremos pechar o grupo de traballo, ter algunha reunión, porque creo que é un punto moi importante que toda esta xente que chegue aquí, a través de proxectos europeos de ensino, teña a posibilidade de ter unha información de todo o que hai nesta comarca”.
Álvaro Doural conta que “o outro día quedei sorprendido na Pontenova, cunha señora que agora non é concelleira, coas explicacións que daba do tren mineiro, coa súa formulación da mina. Dicíanos que ninguén se acorda dos traballadores da mina. Cada día te atopas nos nosos municipios cunha sorpresa, xente que pode aportar cantidade de cousas. Aí está o punto de partida, imos intentar que cada Concello sexa capaz de expor o seu potencial. Eu creo que cada municipio da Mariña ten un potencial distinto, que non ten por que chocar en absoluto. Ese é o camiño. O proceso de internacionalización dos municipios, que é como nós o denominamos, xorde dos proxectos europeos que temos neste momento na nosa asociación, e pode dar moitos froitos”.
Apaga recibiu nos últimos días a visita dun grupo de profesores procedentes de Olomouc, na República Checa, que visitaron diferentes empresas e centros educativos da comarca dentro dun proxecto europeo no que a asociación que preside Doural é por primeira vez socio de acollida. Esta mesma mañá os docentes abandonaron Ribadeo para dirixirse a Santiago, cidade na que visitaron a empresa Castrosúa. A continuación viaxarán a Pontevedra para desenvolver durante dous días un programa similar ao realizado na Mariña. Alí son acollidos por un instituto da cidade do Lérez.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.