Os presidentes da Fundación CEL – Iniciativas por Lugo e a Deputación Provincial de Lugo, Luís García Santalla e Darío Campos Conde respectivamente, presentaron este martes nas instalacións do viveiro de empresas lucense o “Proxecto Emprendedores”, un programa divulgativo e formativo en virtude do cal se desenvolverán diferentes accións orientadas ao fomento de vocacións emprendedoras na provincia.
Concretamente, en virtude o proxecto organizaranse, por unha banda, 24 xornadas presenciais de “sensibilización, motivación e difusión da cultura emprendedora”, nas que participarán un total de 1.200 alumnos dunha vintena de centros educativos (institutos e centros de formación profesional) situados nas zonas norte, centro e sur da provincia de Lugo e, por outra, accións formativas gratuítas, orientadas a todo tipo de persoas interesadas en crear unha empresa, sobre “Actitude Emprendedora e Oportunidades de Negocio” e “Xestión da Prevención de Riscos Laborais en Pequenos Negocios”. Esta segunda parte do proxecto, que se executará vía teleformación, está dotada cun total de 140 prazas.
Vocación emprendedora
O presidente da Fundación CEL, Luís García Santalla, destacou durante o acto de presentación que o “Proxecto Emprendedores” nace do convencemento da Fundación CEL de que é necesario “plantar a semente da vocación emprendedora” xa no sistema educativo, orientando desde fases temperás a “futuros empresarios, dando alas ás súas ideas e sinalándolles o camiño a seguir”. Subliñou que “o espírito emprendedor é sen ningunha dúbida un dos principais motores de innovación, competitividade e crecemento da economía dun país”, así como que a necesidade de “fomentar a cultura emprendedora” é máis que nunca imprescindible como vía de progreso económico e loita fronte á crise.
Pola súa banda, o Presidente da Deputación, Darío Campos Conde, destacou que “é unha satisfacción continuar con esta iniciativa empezada por Gómez Besteiro, porque aposto polo autoemprego como ferramenta para acceder a un posto de traballo, promovendo a igualdade e a conciliación familiar así como combatendo a fenda salarial”.
Nesta liña, Campos Conde valorou que “debido á situación da provincia, que conta con máis de 21.000 lucenses desempregados; e a do país, na que 40 mozos galegos ao día vense na obriga de marchar pola falta de oportunidades laborais; creo que é imprescindible que todas as administracións nos impliquemos e facilitemos o autoemprego”.
Xornadas de sensibilización
As xornadas presenciais de sensibilización do Proxecto Emprendedores desenvolveranse tanto nas instalacións da Fundación CEL como nalgúns dos vinte centros educativos que se sumaron a esta iniciativa, os martes e xoves de aquí a fins do mes de novembro. Buscan achegar aos participantes ao mundo real da creación de empresas e o autoemprego, dando a coñecer, de forma interactiva e participativa, como é o proceso de posta en marcha dunha empresa.
Nesta liña, constarán de dinámicas de creatividade e análise de prensa para axudarlles na procura de ideas de negocio; análise e elaboración do lenzo CANVAS para deseño do modelo de negocio na fase de maduración da idea; información sobre entidades que poden axudar a emprender en cada fase; información sobre servizos concretos dun Centro de Iniciativas Empresariais e viveiro de empresas; encontros cos técnicos especializados en asesoramento a emprendedores da Fundación CEL e con emprendedores que hoxe están a desenvolver as súas ideas neste centro e acceso a experiencias emprendedoras reais.
Accións formativas
Pola súa banda, a parte de formación específica do PROXECTO EMPRENDEDORES comprende un total de tres cursos vía teleformación sobre “Actitude Emprendedora e Oportunidade de Negocio” e catro de “Xestión da Prevención de Riscos Laborais”. Ofértanse un total de 140 prazas ás que poderá acceder calquera persoa interesada en crear a súa propia empresa. Os interesados en asistir poderán inscribirse desde xa a través da Fundación CEL no número de teléfono 982 28 41 50 ou no mail formacion@fundacioncel.org. Máis información tamén en www.fundacioncel.org.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.