Lugo 24 de outubro de 2015.- A voceira do Grupo Provincial do Partido Popular, Elena Candia, anunciou este sábado que os populares rexistraron unha iniciativa plenaria a través da que solicitan a elaboración e posta en marcha dun plan que garanta durante 2016 un reparto equilibrado das axudas públicas entre todos os concellos da provincia de Lugo.
Candia considera necesaria a existencia dunha ferramenta que protexa unha asignación dos recursos que repercuta entre todos os municipios por igual e que, deste xeito, poña fin a actuación que o Goberno bipartito promoveu durante os seus dous mandatos. “É necesario respectar os dereitos fundamentais de igualdade dos veciños na provincia” e, polo tanto, “deben terse en conta as necesidades básicas cuxa garantía compete ás deputacións e non a cor política do Goberno de cada concello”, explica.
Reparto discriminatorio e partidista
O PSOE e o BNG repartiron durante os seus dous mandatos os fondos públicos de todos os lucenses en base a cor política do concello beneficiario. “Os datos propios que obran na contabilidade provincial evidencian unha realidade moi afastada da esixencia propia dunha sociedade democrática”, matiza a popular, quen deu datos concretos.
No período comprendido entre o un de xaneiro de 2012 e o 23 de xuño de 2015, o por aquela Goberno bipartito na Deputación outorgou axudas directas aos concellos da provincia por un importe de 12,9 millóns de euros. “Os 43 concellos gobernados polo Partido Popular recibiron tan só o 7,95% destas axudas, mentres que 91,28% destes fondos foron para os 22 do PSOE e do BNG”, cita. Polo tanto, “é manifesta a inclusión dun criterio antixurídico de asignación do gasto público que non foi outro que o da cor política do goberno dos concellos beneficiarios da acción de cooperación”, analiza Candia.
O Goberno popular garantiu que no 2015 todos os concellos recibisen axudas da Deputación
A popular asegura que trala xestión do bipartito existía unha desigualdade entre os concellos gobernados por un e outro partido político, e “foi necesario corrixir esta situación indesexable e froito da arbitrariedade”. As actuacións do Goberno popular na Deputación pretenderon poñer punto final a un xeito arbitrario de asignación do gasto público “reequilibrando a asignación dentro do ano 2015, anualidade na que todos os concellos recibiron axudas da administración provincial”. Porén, para que “este tipo de situacións non se volvan a repetir en futuras anualidades é necesario elaborar un plan de equilibrio das axudas aos concellos”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
