Un total de 19 socios do grupo sendeirista Pasada das Cabras dábanse cita este sábado 10 de outubro ás 07.15 horas na estación de autobuses de Burela para desprazarse ata Os Ancares para realizar a ruta de ascensión ó pico dos “Tres Vispos”. A ruta comezaba ás 10.10 horas dende o albergue de montaña dos Ancares coa “aprobación dos deuses do tempo”; xa que, salvo por un chaparrón e o fuerte vento no último tramo de ascenso, atopáronse cun día perfecto para “patear monte”. Dende o primeiro tramo por pista con inclinación ascendente ata alcanzar a cúspide, o grupo enfrontábase a maiores complicacións debido ás características da zona empinada e escarpada. Tras un respiro e tentempé reagrupáronse para enfrontar o último e máis complicado tramo no que o vento cada vez máis forte aumentaba a sensación de frío. Despois de tomar algunhas fotografías iniciaban o descenso ata “O refuxio do Brego” onde puideron xantar; mentres outro grupo marchaba cara a zona de Potes onde tiñan previsto realizar outras rutas aproveitando a ponte. Os que quedaban emprendían un pronunciado descenso por unha pista forestal paralela ao “Rego da Vara” ata chegar ó punto de saída onde caía unha “auténtica manta de auga” cando marchaban despois de tomar un refrixerio.
Pasada das Cabras ascende ó Tres Vispos nos Ancares
Relacionado
-
O delegado da Xunta, Alfonso Villares, presentou este sábado en Abadín a cuarta edición do festival Rumboia Viva, que terá lugar o 27 de xuño con apoio autonómico
-
Artesanía, tradición e vida rural volven darse cita en El Franco cunha nova edición de Artenatur
-
Ata este domingo pódese visitar na Praza de España de Ribadeo a Feira Galega de Artesáns en horario de once da mañá a nove da tarde
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
