Preguntas do BNG viveirense para o pleno do mércores 4 de novembro

Viveiro, 30 de outubro de 2015.- Bernardo Fraga Galdo con domicilio a efectos de notificación en Avda. de Ferrol nº20 Entrechán 20-A, en nome e representación do Grupo Municipal do Bloque Nacionalista Galego de Viveiro, e conforme á lexislacion vixente, presenta ao Pleno da Corporación Municipal de Viveiro as seguintes:

PREGUNTAS
1. No pasado pleno do mes de outubro, a Alcaldesa anunciou a creación dunha comisión para tratar a circulación na Avenida de Cervantes. Ante o anuncio do inminente inicio das obras, cando ten previsto celebrarse a citada comisión?

2. A rúa Alonso Pérez(Camiño Vello), á súa chegada a Verxeles está novamente chea de fochancas, cando ten previsto o goberno municipal proceder á súa reparación.

3. En declaracións neste Pleno Municipal e aos medios de comunicación, o Goberno Municipal, anunciou o inicio da elaboración dos orzamentos para o ano 2016 no mes de setembro. Anuncio que como ven sendo habitual no Goberno do PSOE cando falamos de orzamentos municipais, era falso. Chegados ao mes de novembro continuamos sen noticias da elaboración dos orzamentos municipais en tempo e forma. ¿Cando ten previsto presentar o Goberno Municipal o proxecto de Orzamentos Municipais para a súa aprobación no Pleno?

ROGOS
1. Na beirarrúa entre Celeiro e Viveiro, non hai papeleiras suficientes para o seu uso por parte dos viandantes. Rogamos ao goberno municipal que se proceda a colocar máis papeleiras en dito tramo.