Parece que o alcalde na sombra do noso concello, o Sr. Arango anda algo molesto porque os grupos da oposición cumprimos có noso deber: facer oposición. Seica o feito de non poder poñernos mordaza o altera un chisco, non só nos plenos, onde a súa crispación e o seu mal humor nos deixan escenas que con seguridade nun concello pequeno coma Lourenzá non se vivían nin na época post dictadura. Época que parece querer facer revivir o Sr. Arango aos veciños de Lourenzá restrinxindo a liberdade de expresión ao máis estilo fascista, algo, cando menos chocante dos que presumen “ir de progres”.
Cómpre recordarlle ao Sr. Arango que o 24 de Maio estaban chamados ás urnas 1997 veciños e veciñas de Lourenzá, dos cales, 787 avalaron a candidatura socialista, polo tanto, era ben que, tivera en conta esas 1210 persoas que non dixeron SI ao Partido Socialista. E sobre todo, non alardear tanto de resultados cando todos sabemos cal foi o verdadeiro motivo de que hoxe gobernen en Lourenzá. En todos os bares do pobo, e en cada recuncho onde a xente fala foron comentadas as mañas que lles fixeron goberno. Dende o partido popular preguntámonos se, de haber hoxe eleccións, sacarían os mesmos resultados?, fáganse vostedes tamén a pregunta e contéstense sen rubor.
Cómpre recordarlle ao Sr. Arango que están gobernando Lourenzá, segue actuando como cando exercía de oposición en Trabada, debe ser por iso que aínda non se decatou que cando se está á fronte dun Ente Público o diñeiro que se xestiona é de todos e cómpre xestionalo conforme á Lei, tanto dá que se sexa asesor, deputado, concelleiro, ou ministro, e isto ven ao fío de que traer xestión para Lourenzá non é coller un feixe de cartos e repartilos de xeito discriminatorio entre os veciños, algo que denunciou o BNG de Lourenzá e o Sr. Arango confirmou no seu último artigo de opinión. A maior parte das subvencións que a deputación do imputado Sr. Besteiro concedeu a distintas asociacións fíxoo de xeito partidista, e, por riba, o feito de que un familiar directo da actual alcaldesa, daquela portavoz, fixera as obras, cando menos é curioso, non si?.
Cómpre recordarlle ao Sr. Arango que xestión implica mover o traseiro e tocar a distintas portas presentando proxectos e pedindo colaboración. Fixeron vostedes algo disto en catro meses? Acaso pediron vostedes algo á Deputación de Lugo no mandato popular? NON, dígao vostede alto e claro, pero era ben que, polo menos a Sra. Alcaldesa xustifique o seu soldo acudindo a aquelas reunións ás que é convocada e non asiste, e xa van unhas cantas, coa Xunta, coa Deputación, con outros alcaldes …. sempre se aprende algo e sempre é unha oportunidade para pedir por e para Lourenzá. Menos soberbia e máis entrega.
Cómpre recordarlle ao Sr. Arango que sí son responsabilidade de quen goberna as xestións iniciadas polo anterior goberno e que desafortunadamente a día de hoxe están sen resolver. Agora tócalles a vostedes “levantar o traseiro da poltrona” e chamar ás portas en busca de financiamento, colaboración ou convenios. Máis non se preocupen, en vistas de que vostedes non o fan, seremos o grupo municipal do partido popular os que seguiremos marcando a folla de ruta dun goberno socialista sen rumbo.
Cómpre recordarlle ao Sr. Arango que a oposición ten o deber de fiscalizar e impulsar as accións do goberno, e que o goberno ten a obriga de gobernar, así que gobernen, e fagan públicas todas e cada unha das xestións que realizaron nestes catro meses. Cantas entrevistas solicitaron? Cantas solicitudes rexistraron? Decímosllelo nós: solicitaron axuda económica para a Festa da Faba despois de que durante a Comisión de Contas celebrada o 21 de Agosto a Sra. Alcaldesa preguntara á daquela asesora na Deputación, a nosa portavoz, pola axuda, sendo alertada por esta de que tiñan que solicitala, de non ser así, aínda estaría sen pedir.
Cómpre recordarlle ao Sr. Arango que teñen a obriga de gobernar, déixense vostedes de pantomimas e aproveiten a casualidade que as urnas lles deu o 24 de maio e gobernen, asuman dunha vez por todas o papel que lles toca desempeñar.
Grupo Municipal do Partido Popular de Lourenzá (Emma Alvarez, Javier Barrera, Fina Rodríguez e Pablo Maseda).
Na presentación participaron o delegado territorial Javier Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
