A exposición “A Maruxaina e outras sereas”, dos mariñáns Otero Regal, Pablo Mosquera e Paco Rivas, chega ao Pazo de Tor

19 de novembro de 2015.- “A Maruxaina e outras sereas” exposicion de esculturas de Otero Regal e textos de Pablo Mosquera e Paco Rivas chega ao Pazo de Tor (en San Xoán de Tor) nas inmediacions de Monforte de Lemos. A inauguración terá lugar o proximo martes dia 24 de novembro ás sete da tarde.

Desde o punto de vista cultural estamos ante unha vella tradición entre as xentes que viven pendentes do Océano. Desde o punto de vista popular estamos ante unha festa de enorme concurrencia en pleno verán da Mariña.

Pero hai máis. É a eterna dualidade entre o ben e o mal, o xuízo popular ante unha lenda que fala da conduta dunha serea coas xentes que viven do mar; ata con xuízo na noite de Agosto, diante do pobo.

As cartas mariñas sempre indicaron a presenza das illas que deron lugar a San Ciprián, e nesas illas, entre aves mariñas, acantilados capaces de dar ao traste cos buques, vive unha muller que pode ser causa de medo ou de ledicia.

Na cova de Xan Belo, e tal como a describiu Luís Seranee en 1948, desde o seu exilio de Bos Aires, esa estraña criatura co seu candil, oculta pero facendo sentir a súa presenza, convértese nun mito que se transmite oralmente, de xeración en xeración.

É a feiticeira dunha Galicia medoñenta do alén, das profundidades e das galernas, que sabe dos cambios de carácter, do vento e do mar

Hoxe as deleidades son outras, de carne e óso, universitarias, capitáns de empresas multinacionais, enganchadas ao teléfono móbil e ao ciberespazo, pero moitas veces actúan como A Maruxaina.

Por todo isto e con todo esto, Otero Regal, Pablo Mosquera e Paco Rivas, argallaron esta exposición, estos textos, un libro e todo un seminario durante Xullo e Agosto, descatadas personalidades da cultura vinculadas A Mariña que disertaran en col de “A Maruxaina e outras sereas” da nosa mitoloxia particular.