Celebra estes días a 37 Semana Micolóxica a Asociación focega Os Bolouros, e tal feito trae á memoria a personalidade de quen foi o promotor e pioneiro, presidente, introductor e mestre da cultura micolóxica na bisbarra: noso amigo ,recén finado, Constantino Mariño, a quen a organización dedica a mesma. En 1970,, enviado por Extensión Agraria, chegara a Foz para por en marcha e atender a Axencia, de nova creación.
Aficionado que era estaba xa metido no movemento do rexurdir o interese polos cogumelos en Galicia, de contado comezou a organizar cursiños para a súa identificación e coñecemento, distribuindo publicacións sobre os temas, e recolleitar, unhas veces para improvisar pequenas exposicións e as mais organizar demostracións de cociña e degustacións en distintos lugares.
O pulo industrial e socio-económico que incidiu na Mariña trouxo a estas terras a persoas xa iniciadas ou con inquedanza e interese polos cogumelos. Así chegaron, entre outros, Alfredo San Martín,Domingo Pose,Vicente Sempere, Antonio Gumiel, Luis Vicente Monroy, etc.
Tamén persoas de Foz e vilas da bisbarra responderon á chamada, interesándose polo seu coñecemento, coma Vicente Rodriguez ,Xesús Blanco ,Lourenzo Molejón e membros de asociacións culturais e profesores de diversos centros de ensinanza.
En 1979 créase “Os Bolouros”, que se integra na Federación Galega, da que era principal promotor o vigués Antón Patiño Rigueira. Dende o primeiro día os Bolouros desenvolven unha importante actividade, incidindo no aspecto didáctico e por aquí pasaron micólogos moi destacados: o presidente e a vice-presidenta da Sociedade Galega de Hª Natural, don Luis Freire e Dña. Marisa Castro; o micólogo, don Mariano García Rollán; o Presidente da Sociedade de Baracaldo, don José A. Muñoz Vivas; o Dr. Enxeñeiro de Montes don Juan Villarino Urteaga e o naturalista don Leopoldo San Martín; os asturianos irmáns Sánchez Ocaña…
O ben gañado prestixo de Os Bolouros fai que a Federación lle encomende a Organización da IX Semana Micolóxica de Galicia (1987) con unha programación especial e a edición por Correos dun selo conmemorativo.
Póde decirse que con Mariño chegan as setas a Foz,; se é certo que xa as había eran, prácticamente, unhas descoñecidas. Garimosas lembranzas para quen foi o primeiro apóstolo.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
