A Mariña, 14 de novembro de 2015.- A deputada nacionalista Rosana Pérez, veu dar conta diante dos principais representantes do tecido socioeconómico da comarca do traballo realizado polo BNG nas Cortes Xerais dos Estado desde que este ten representación nesta institución. A portavoz nacionalista, acompañada por representantes orgánicos e institucionais da formación nacionalista na comarca, apresentou un balance no que quedou en evidencia a coherencia na defensa dos intereses mariñaos e galegos por parte da formación nacionalista mentres outros, PP e PSOE, en función da súa posición gobernante ou de oposición no goberno español abandonaban as reclamacións históricas da comarca en materia de infraestruturas.
O tecido socioeconómico da comarca volveu poñer sobre a mesa as problemáticas existentes derivadas de políticas fixadas, xa for en Europa como e Madrid, que non apoian e mesmo coartan as posibilidades de desenvolvemento de sectores tan importantes na comarca como a pesca ou o sector agrogandeiro, “non existe unha aposta decidida por rachar as dinámicas de desmantelamento destes sectores executada pola UE, nin por parte do goberno do Estado nin do propio goberno galego, mais preocupado por tapar a inacción do goberno español que por defender dous dos sectores produtivos mais importantes da Mariña e de Galiza”, afirmou a responsábel comarcal Ana Ermida Igrexas.
Segundo a portavoz comarcal nacionalista “os sectores forestal, comercial e turístico volveron reclamar solucións para o atraso histórico en materia de infraestruturas por estrada, ferrocarril e portuario”. “Non é de recibo que se sigan rindo de nós mentres incumpren os compromisos adquiridos coa VAP da costa ate Ferrol como o fixo fai uns días a Conselleira de Infraestruturas botando balóns fora coa variante de Viveiro, coa autovía de conexión entre Barreiros e San Cibrao, cun rebacheo por tramos da N642, ou coa autovía A8 que bota mais tempo pechada que aberta no Fiouco. “Na Mariña levábamos mais de 40 anos agardando a que se abrira ao completo a A8, agardamos non ter que outros 40 para que rematen as conexións do tramo de competencia estatal Barreiros – San Cibrao e o galego San Cibrao – Ferrol”, sentenciou Ana Ermida.
Para a nacionalista vemos ano tras ano como os recursos recadados pola Autoridade Portuaria Ferrol – San Cibrao no peirao de San Cibrao desaparecen e as promesas duns e doutros para abrir ao tráfico comercial o dique norte de Moras hoxe sen uso non se cumpren, “pouco importa o que se prometa cando se está na oposición, importa o que se fai no goberno e ate agora nin PSOE nin PP teñen autoridade moral nin credibilidade para defender esta infraestrutura que o bloque considera estratéxica desde sempre”, afirmou Ermida.
Estamos pois ante o reto de conseguir unidade na defensa dos intereses da comarca, sentámonos co tecido socioeconómico fai un ano e volvémolo facer hoxe porque son os axentes dinamizadores do emprego e a economía da comarca, mais tamén os principais prexudicados, xunto con toda a sociedade mariñá, dos incumprimentos que vimos sufrindo desde fai décadas por parte de gobernos tanto na Xunta como no Estado.
“Ao Bloque ninguén lle pode negar a coherencia de manter a mesma liña política desde que ten representación institucional nas Cortes do Estado e queremos seguir facéndoo no futuro, nesta ocasión dentro da coalición Nós – Candidatura Galega,” rematou Ana Ermida.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
