Burela, 9 de novembro de 2015.- O Concello organizará charlas sobre saúde logo do éxito que tivo a impartida a semana pasada polo xefe de Pediatría do Hospital da Costa, Manuel Silveira, sobre a meninxite B. Así o anunciou o alcalde de Burela, Alfredo Llano, que espera poder realizar estas conferencias cada mes ou mes e medio.
O rexedor dixo que “xa temos previsto realizar unha serie de conferencias médicas, ligadas á demanda, á actualidade e á necesidade de informar á poboación. Pero aínda que nada máis sexa como pedagoxía, como elemento de coñecemento, de confrontación, preguntas e debate, imos intentar facer unhas conferencias cada mes ou mes e medio sobre temática variada, con profesionais do hospital ou non, dependendo do tema que se leve adiante”.
O alcalde defende que este tipo de programación busca atender a preocupacións dos cidadáns ou asuntos de actualidade que afecten á saúde: “vemos que a xente responde e é bo e necesario que se saiban moitas cousas que están influíndo na saúde e na preocupación dos pais e, en xeral na poboación, porque poden ser temas relacionados coa infancia pero tamén relacionado cos maiores, as enfermidades que poden aparecer e que son dunha grande importancia derivado das grandes responsabilidades que teñen os familiares”.
Alfredo Llano subliñou que “imos tratar en base á demanda que teñamos de facer unha conferencia cada mes ou mes e medio de cadencia, con diferentes profesionais e, dependendo do tema que se trate, farémolo no salón de conferencias ou no Auditorio. O outro día vimos que sería necesario un local maior dado a grande cantidade de xente. Hai que dar as grazas por ese interese, tamén ao profesional, Manuel Silveira, que estivo alí para dar esa conferencia de moi bo nivel e atendeu as preguntas que se lle formularon. Penso que a xente saíu moi contenta. Con esa impresión que temos imos facelo no futuro”.
A gravación da conferencia do Dr. Manuel Silveira pódese visualizar aquí: https://www.youtube.com/watch?v=IMXFRpifaBI
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.