Lugo, 7 de novembro de 2015.- A alcaldesa de Triacastela, Olga Iglesias Fontal, non formará parte das listas dos populares lucenses ó Congreso. “É unha decisión que levo meses meditando, é estritamente persoal e comuniqueilla persoalmente ao noso presidente provincial, ó que agradezo todo o seu apoio e confianza durante estes anos”, manifestou Iglesias Fontal. “A intensidade do traballo nestes últimos anos continuo e o desexo de dedicarlle máis tempo á miña familia leváronme a tomar esta decisión”.
O portavoz do Grupo Popular no Senado e presidente do PP de Lugo, José Manuel Barreiro, agradeceu o seu traballo nestas dúas lexislaturas no Congreso dos Deputados e destacou “a súa valía e o seu esforzo por representar sempre os intereses de todos os lucenses”.
Olga Iglesias Fontal foi Deputada pola provincia de Lugo desde o ano 2009. Na IX lexislatura foi portavoz adxunta de Agricultura e na lexislatura vixente, a X, portavoz adxunta de Sanidade e Consumo. Ademais, foi a primeira muller que fixo uso do voto telemático en xuño de 2012. “Para min foi un honor representar á provincia de Lugo estes seis anos, especialmente nesta lexislatura que foi, sen dúbida, unha das máis importantes da nosa democracia e síntome orgullosa de poder apoiar o labor do noso Goberno liderado por Mariano Rajoy”, destacou Iglesias Fontal.
A popular continuará co seu traballo á fronte do consistorio de Triacastela, unha alcaldía á que accedeu por primeira vez en maio de 2011 e que revalidou nestas últimas eleccións municipais. “A partir de agora dedicareime, en exclusiva, á política local e a cumprir co mandato que me encomendaron os veciños”, sinalou a rexedora de Triacastela.
“É importante ter vida antes e logo da política, a partir de agora compaxinarei o meu traballo á fronte da alcaldía, da que non percibirei ningunha remuneración económica, coa miña actividade profesional como inspectora veterinaria da Xunta de Galicia; isto permitirame estar en contacto diario e directo con todos os veciños e coñecer de primeira man os seus problemas”, explicou Fontal.
Pola súa banda, José Manuel Barreiro afirmou que Iglesias Fontal “demostrou durante estes anos que é unha traballadora incansable, responsable e seria” e agradeceu a súa “dedicación” e o seu papel como Deputada pola provincia. Barreiro asegurou que está “convencido de que Olga seguirá apoiando o proxecto político de Mariano Rajoy e traballando para conseguir unha España unida e forte económicamente desde o seu papel á fronte da alcaldía de Triacastela”.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
