Ribadeo, 25 de novembro de 2015. A XII Mostra de Teatro Afeccionado Daniel Cortezón terá lugar do 27 ao 29 de novembro. As representacións do venres e do sábado serán no Cine Teatro e a do domingo será no Auditorio Municipal Hernán Naval. Teatro Crea, de Viveiro; Andaravía Teatro, de Vedra; e Ollomao, de Barreiros, serán os protagonistas da mostra.
O concelleiro de Cultura, Farruco Graña, sinala que “esta fin de semana vai haber, un ano máis, a celebración do teatro afeccionado en Ribadeo. Temos a Mostra Daniel Cortezón, que nos convida a todos os veciños e veciñas a gozar do bo teatro feito pola xente de aquí, dos concellos veciños, que teñen unha gran afección pola escena no teatro e que mostran día a día ao longo de todo o ano ensaiando con moita ilusión e paixón a obra de teatro que preparan en cada tempada”.
O edil nacionalista explica que “nesta ocasión vannos visitar o grupo Teatro Crea, de Viveiro; o grupo Andaravía Teatro, de Vedra; e, por suposto, tamén os nosos veciños do grupo Ollomao, de Barreiros. Todos os días ás nove da noite teremos cita co teatro esta fin de semana: os días 27, 28 e 29. Pero este ano hai unha novidade, porque o día 29 verémonos todos e todas no auditorio municipal. Estamos todos acostumados a acudirmos ata o Cine Teatro para ver o teatro afeccionado, pero por razóns de dimensións do escenario nesta ocasión o grupo Ollomao necesita que a súa obra Noite de Reis se represente no auditorio municipal. Así que o venres e o sábado verémonos todos e todas no Cine Teatro ás nove, pero o domingo desprazarémonos ata o auditorio municipal Hernán Naval para ver a Noite de Reis do grupo Ollomao”.
Graña subliña que “son tres días de teatro: o día 27 ás nove no Cine Teatro o grupo Teatro Crea, de Viveiro, con Xoguetes cómicos, de Chéjov; o día 28, tamén ás nove no Cine Teatro, o grupo Andaravía Teatro, de Vedra, representará Maniféstate, de Manolo Cortés; e o derradeiro día da mostra, o día 29, ás nove no auditorio municipal Hernán Naval o grupo Ollomao, de Barreiros, vai representar Noite de Reis, de Shakespeare”.
Para o concelleiro de Cultura “esta é unha boa ocasión para que gocemos do bo teatro feito polos nosos veciños e veciñas e por xente achegada doutros concellos, como neste caso os que veñen de máis lonxe, que son os de Vedra. Outras ocasións haberá para que outros grupos de teatro afeccionado que están xurdindo pola comarca tamén se acerquen a Ribadeo e que, por suposto, as nosas xentes que fan teatro afeccionado aquí poidan intercambiar experiencias nos concellos destas persoas que nos visiten. Teatro afeccionado nesta mostra e tamén ao longo da tempada. Xa saben, de outubro a maio, teatro. No verán é certo que nos gusta pasear un pouquiño máis polas rúas, pero no inverno que ben se está sentado na butaca vendo como representan bo teatro. Vémonos esta fin de semana na mostra de teatro afeccionado Daniel Cortezón. Agardámolos”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
