Lugo, 17 de decembro de 2015.- Olalla Rodil, candidata ao congreso, por Nós-Candidatura Galega anunciou que unha das medidas que defenderá en Madrid será a eliminación da Lei de Racionalización e Sustentabilidade da Administración Local. “A imposición desta lei, polo PP, impide que os concellos atendan as necesidades das persoas” sinalou Olalla Rodil e explicou que os concellos galegos reciben do estado unha media de 204 € por habitante, mentres que a media do estado é de 253 € por habitante e ano “un agravio ao que hai que sumar o factor de envellecemento e dispersión poboacional que se da nesta provincia” afirmou Rodil.
A candidata de Nós-Candidatura Galega apuntou que, segundo un estudo da Universidade de Vigo para a FEGAMP, “o resultado é que dende a aplicación do novo modelo de finanzamento, o diferencial negativo en termos poboacionais entre o percibido polos concellos galegos e a media estatal está en torno aos 1.000 Millóns de Euros, o que amosa que o reparto prexudica de xeito inxusto e discriminatorio a Galiza”.
Olalla Rodil puxo como exemplo que “o concello de Málaga, que conta con 567.000 Habitantes, percibirá a mesma contía que os seis concellos maís grandes (A Coruña, Vigo, Ourense, Lugo, Santiago e Pontevedra), que suman máis de 900.000 Habitantes” e informou que “o concello de Barcelona, pola súa banda, que ten 1,6 Millóns de habitantes, recibe o dobre da contía percibida polos 315 concellos de Galicia, que contan con 1 millón de habitantes máis”.
Para Nós-Candidatura Galega “ non é normal que os concellos menores de 5.000 habitantes, que son a maior parte dos da provincia de Lugo, perciban por efecto deste criterio 111 € por habitante mentres que a media do estado español está en 253 € por haibitante e ano”. Para os nacionalistas “hai que aplicar políticas que compensen este agravio e que lles permitan aos concellos galegos atender as necesidades básicas das persoas”.
Actos en Lugo, San Cibrao e Viveiro
Durante a xornada Olalla Rodil participou nun acto informativo, xunto con militantes, no entorno do HULA en Lugo e achegouse, pola tarde, á Mariña. A candidata de Nós-Candidatura Galega mantivo un encontro con membros do Comite de Empresa de ALCOA na factoría de San Cibrao e pola noitiña participou nun acto público no Salón de Actos do Conservatorio de Viveiro xunto con MONTSE PORTEIRO – candidata ao Congreso, ORLANDO GONZÁLEZ – candidato ao Senado e ex-alcalde de Mondoñedo e BERNARDO FRAGA – voceiro do BNG no concello de Viveiro.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
