A OPP-07-Lugo celebra o aumento da pescada de Gran Sol pero lamenta que non se prolongue o prazo para a consecución do RMS noutras especies

16 de decembro de 2015.- Trala celebración do Consello de Agricultura e Pesca da Unión Europea que aprobou os TAC e cotas da maioría das especies de interese para a flota, desde a Organización de Produtores Pesqueiros de Lugo queren manifestar por unha banda a súa grande satisfacción polo incremento da pescada de Gran Sol, na contorna do 19%. Este incremento é obra do esforzo dos armadores e mariñeiros que demostraron como traballando en serio se pode pasar dunha situación problemática do stock que xera o establecemento dun Plan de Recuperación a unha na que a biomasa está en niveis de RMS.

No Caladeiro Nacional, é de destacar o importante incremento do xurelo do Cantábrico Noroeste, ata o 27%. En relación con outras especies pelágicas confírmase a redución nun 15% da xarda que, segundo as declaracións da Ministra esperan paliar con intercambios para deixala en números similares ao presente ano. No caso da bacaladilla prodúcese unha redución do 5%, moi lonxe do 40% que se prognosticaba e que, en todo caso poderá emendarse coa posibilidade de traspasar cota de Augas do Norte.

Afortunadamente deixouse case sen efecto a importante baixada proposta para o gallo do Caladero Nacional, que en lugar do -26% pasa a un -1%. No caso da pescada sur lamentablemente sufriu unha redución do 22% que, aínda que está bastante lonxe do 65% de redución inicialmente proposto, non é unha boa noticia. Como tampouco o é o que no caso do rape do Caladero Nacional prodúzase unha redución do 14% (menor que o 19% inicialmente prevista). Lamentan que non se atenderon as peticións de prolongar o prazo para a consecución do RMS nestas dúas especies, e en particular na do rape (onde as esixencias por parte da Comisión foron aínda maiores).