Foz, 26 de decembro de 2015.- O Grupo Popular levará ao pleno do próximo martes unha moción na que insta ao Goberno da Deputación a que dote de financiamento, nos orzamentos de 2016, as obras para levar a cabo a humanización e impulso do comercio nas avenidas da Mariña e Álvaro Cunqueiro do concello de Foz.
A voceira dos populares na Deputación, Elena Candia, xunto ao alcalde da localidade, Javier Jorge Castiñeira, e a representantes da ACIA de Foz, presentaron na mañá deste sábado a iniciativa plenaria que se debaterá na sesión da Deputación do martes. A través desta moción, o Grupo Popular dá traslado á administración provincial do acordo unánime aprobado por todas as forzas políticas de Foz e no que solicitan ao ente lucense a colaboración económica con este proxecto.
Impulso comercial
Os populares puxeron en valor a importancia deste proxecto, que permitirá a creación dun espazo moderno, con capacidade comercial, que motivará a actividade empresarial, turística e cultural da localidade.
Estas rúas teñen unha idea orixinal de ser travesía de paso e de circulación de vehículos polo centro da localidade, relegando a un aspecto secundario o desfrute da vía urbana polo cidadáns. Deste xeito, a idea é a de conseguir un entorno á medida das persoas, gañando espazo para os peóns, mellorando o aspecto e permitindo unha maior potenciación do comercio, xa que estas dúas avenidas é onde se localizan unha gran parte dos comercios locais.
Forte aposta do Partido Popular
Elena Candia agarda que o Goberno bipartito apoie esta iniciativa plenaria xa que estamos ante unha petición “non só de todos os grupos políticos, senón tamén dos comerciantes e dos consumidores que ven con moi bos ollos o cambio de disposición. Non chegaríamos e entender que se lle dea as costas aos veciños de Foz”.
A voceira dos populares lembra que durante o Goberno do PP na Deputación demostrouse un claro compromiso con esta actuación e así no mes de agosto concedéuselle ao Concello de Foz unha subvención dirixida a colaborar no financiamento dos gastos de realización dos estudos técnicos e proxectos iniciais da obra de reforma coa finalidade de humanizar e impulsar o comercio nas referidas rúas.
Mediante resolución de alcaldía de 21 de outubro adxudicouse o contrato de servizos para a redacción de dito proxecto. Na actualidade, segundo explica o alcalde, os traballos de redacción atópanse nun estado moi avanzado, de feito, o borrador do proxecto xa foi presentado e convence á totalidade dos grupos políticos e aos veciños. “Agora é necesario acadar a dotación orzamentaria para a realización das obras e a Deputación de Lugo ten o deber por lei de colaborar cos municipios e dar solución aos problemas e ás necesidades dos concellos”, di Castiñeira.
Acordo plenario
Na iniciativa plenaria os populares tamén solicitan que se realice un convenio de colaboración administrativa co Concello de Foz para a cesión da titularidade do tramo da estrada provincial LU-P-2006 ao seu paso polo casco urbano de Foz.
De igual xeito, o Grupo Popular insta á Xunta de Galicia para que colabore economicamente, ademais de na reforma e remodelación en superficie das Avenidas da Mariña e Álvaro Cunqueiro, nas obras necesarias de instalación, reforma e renovación das redes municipais de servizos existentes, con especial referencia á separativa de augas pluviais.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
