Viveiro, 2 de decembro de 2015.- Hai uns días o Concelleiro de Facenda, sinalaba nos medios que a revisión catastral era culpa do Goberno Central do PP. Pois ben, é certo que dita revisión emana dunha normativa de ámbito estatal, pero é o Concello de Viveiro quen solicitou dita revisión, quen ten potestade de xestionar, tramitar e conxelar dito imposto. Poderíao facer noutro momento e non agora, aínda que a situación económica mellorou, aínda segue sendo delicada.
Solicitaron dita revisión conscientes da enorme inxección económica que isto lles supoñería ás depauperadas arcas municipais – sobre uns 450.000 euros extras -, o que sen dúbida lles vén moi ben para seguir malgastándoo en festas, saraos ou outras actividades improdutivas. Sen importarlles o máis mínimo as economías dos veciños, incentivar a riqueza, potenciación industrial e comercial ou a creación de emprego. É dicir políticas reais de benestar e futuro.
Se ditas economías domésticas lles preocupasen, terían dado o obrigado cumprimento ao acordo propiciado por unha moción presentada polo PP de Viveiro no Pleno de marzo do 2015, onde solicitabamos que se reducise o multiplicador local do IBI, cifrado actualmente no 0,79%, sendo o máis alto da Mariña – así por exemplo en Foz, Burela, Trabada e Lourenzá é do 0.40, en Vicedo do 0,45, en Mondoñedo do 0,50 ou en Cervo do 0,66 -. Dito acordo, aprobado por unanimidade, contemplaba realizar un estudo económico valorando dita posibilidade para o ano 2016.
Pois ben, a día de hoxe, papel mollado, nada de nada, ou polo menos o noso grupo non ten coñecemento oficial de tal circunstancia, o que demostra a inexistente vontade por parte do equipo de goberno de rebaixar dito imposto aos veciños no próximo exercicio. A nosa proposta baseábase precisamente, na previsión do importante incremento recaudatorio sinalado anteriormente e que se produciría como consecuencia da revisión catastral solicitada polo propio Concello. Este importante aumento nos ingresos por este concepto significa que os servizos municipais non estarían en risco e podería compensarse aos veciños baixando unha porcentaxe o multiplicador local, co cal seguirían existindo uns bos ingresos, pero o recibo do 2016 sería un pouco máis económico para os petos dos veciños.
Non é menos chamativo que o agora Concelleiro de Facenda, outrora nas filas de Independentes de Viveiro, defendese nunha moción anterior tratada neste mesmo Pleno de marzo 2015 un prantexamento idéntico ao noso, no que instaba ao actual equipo de goberno a revisar este tipo impositivo para tratar de adecualo a uns baremos menores para que se cinxira ás posibilidades dos veciños – por certo, esta proposta así formulada tamén se aprobou por unanimidade.
Así mesmo suscitamos con visión de futuro posibles bonificacións a sectores estratéxicos, chan industrial, locais, naves etc. Sempre cun previo estudo e coa idea de consentir o tecido económico como órganos vitais de crecemento, estabilidade e xerme evolutivo.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
