Ribadeo, 26 de xaneiro de 2016.- O equipo de goberno someterá a debate no pleno ordinario deste xoves, 28 de xaneiro, a creación dun plan estratéxico de subvencións, “algo co que so contan Concellos de grandes cidades e poucos mais en Galicia”, segundo subliñou o alcalde, Fernando Suárez. Deste xeito darase cumprimento á lei xeral de subvencións, que obriga a racionalizar e controlar as diferentes liñas de axudas que se conceden nos Concellos. Na sesión plenaria debaterase tamén unha moción que asinan o BNG, o PSOE e Ciudadanos que propón a reprobación da actitude mantida pola Xunta en todo o proceso de construción da residencia de maiores.
O rexedor contou que “dentro do que son os puntos máis destacados deste pleno ordinario que está convocado para o xoves á noitiña está a proposta de crear un plan estratéxico de subvencións. O Concello non dispoñía ata agora del e realmente en Galicia seremos dos poucos concellos que o teñamos, dado que por máis que miramos soamente nalgunha capital e algún outro concello teñen a día de hoxe un plan estratéxico de subvencións. Non se trata nin máis nin menos que de cumprir a lei xeral subvencións, que indica que os concellos temos a obriga de racionalizar, de poñer en orde, de programar, de controlar e facer un seguimento das diferentes liñas de axudas que temos. No Concello de Ribadeo a suma de todas as liñas practicamente se achega anualmente aos 500.000 euros de subvencións, entre as de vivenda, servizos sociosanitaros, ensino, cultura, festexos, deportes, medio rural ou mesmo comercio”.
Suárez Barcia explicou que “este plan estratéxico é un documento que trata de fixar os obxectivos que se deben conseguir coa actividade de subvención que fai o Concello a través de todas estas liñas de actuación e este plan debe servir tamén para analizar o cumprimento destes obxectivos e sacar conclusións para o futuro. É dicir, avaliaranse en función dos criterios que se marquen para analizar se se cumpren as finalidades; e se non é así servirá para modificar ou crear outras liñas, para minorar ou suprimir as que hai, etcétera. Someterémolo a consideración de toda a Corporación e agardamos que vaia adiante”.
Residencia de maiores
Fernando Suárez indicou que “tamén neste pleno está previsto o debate de varias mocións: do PP, do PSOE e do Bloque. Pero eu quérome centrar nunha concreta, que é unha moción transversal que está asinada por 13 concelleiros e concelleiras desta Corporación, os que corresponden aos grupos do BNG, do PSOE e de Ciudadanos, que todos eles e elas, como sempre estamos facendo neste asunto da residencia, as cuestións lexítimas políticas e discrepantes que poidamos ter en moitos aspectos da vida estamos deixándoas de lado e facendo o mesmo que no anterior mandato municipal entre todos; pero agora é entre case todos, porque lamentablemente o PP local descólgase destes acordos”.
O alcalde ribadense subliñou que “queremos presentar a debate no pleno unha moción na que o punto único, en relación coa residencia de maiores e coa actuación que tivo e está tendo a Xunta de Galicia, é propoñerlle ao pleno a reprobación da actitude mantida pola Xunta en todo este proceso de construción e dotación dunha residencia de maiores en Ribadeo; e tamén a esixencia ao conselleiro de Política Social para que dea aos seus subordinados as instrucións oportunas para que os diferentes departamentos, dunha vez por todas, se queren participar no financiamento deste centro de atención a persoas maiores que procedan a dar unha resposta oficial ás discrepancias que se formulan por este Concello en relación ao convenio e que acheguen propostas alternativas serias, con informes xurídicos e non soamente por expresións políticas que son cuestionadas xuridicamente polos técnicos”. E engadiu: “esta moción é case unánime, porque non está o Partido Popular xa que el mesmo se quere descolgar de todas estas actuacións que estamos tendo en conxunto. Pero en todo caso os veciños e veciñas, os homes e mulleres de Ribadeo ven e escoitan perfectamente as opinións, o que predican e o que fan uns e outros”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
