A Asociación Cultural A Pomba do Arco presentará este venres 22 de xaneiro, ás 20.30 horas, na libraría Bahía de Foz a novela A viaxe á fin do mundo, obra de Manuel Rodríguez.
Manuel Rodríguez (Sarria, 1958) é xornalista e doutor en Ciencias da Información, actualmente traballa como técnico cultural na Sociedade de Xestión do plan Xacobeo, mais anteriormente traballou como xornalista en xornais como El Progreso ou La Voz de Galicia, en ambos na súa edición da Mariña, así como na emisora de Viveiro de Antena3 Radio de Galicia.
Posteriormente dedicouse a impartir clases de Comunicación Audiovisual, como profesor asociado, na Facultade de Ciencias da Comunicación, da Universidade de Santiago de Compòstela.
O seu traballo céntrase sobre todo no mundo do fenómeno Xacobeo, de aí que a maioría dos seus traballos se vinculen a este tema. Así no ano 2004 sacaba á luz o seu libro Os camiños de Santiago en Galicia, en colaboración con Francisco Singul. No ano 2012 sacaba outro libro titulado La catedral de Santiago para los peregrinos, que se complementa co libro que sae no ano 2014 titulado Santiago de Compostela para los peregrinos.
Sen embargo a súa obra de maior volume foi a que sae á luz no ano 2010, titulada La gran enciclopedia del Camino de Santiago. Diccionario de la cultura gallega, unha obra composta por 18 volumes e con tres mil entradas sobre o tema das peregrinacións. Esta obra foi distribuída por preto de vinte xornais de Galicia e de España, e con ela obtivo o 1º premio internacional da Asociación de Periodistas do Camiño de Santiago.
Para escapar de todo o traballo que significou a referida enciclopedia Manuel Rodríguez decidiu escribir a súa primeira novela. A viaxe á fin do mundo. Nela mestúranse historias reais con outras noveladas. Así por exemplo a novela xorde a raíz fun feito real como foi o roubo, no ano 1906, da cruz de Afonso III, unha cruz grega do século IX. Este roubo nunca se resolveu, é máis, o retablo onde se custodiaba esta cruz ardeu no ano 1921 por causas ata agora descoñecidas.
Estes dous feitos permítenlle a Manuel Rodríguez introducirnos no Santiago de Compostela de principios do século XX das mans dun xornalista que busca a verdade sobre este roubo enfrontándose a compañeiros de profesión, á xustiza e ao cabido catedralicio empeñados todos eles en silenciar este asunto. Mais esta busca condicionará a vida do xornalista de xeito traumático levándoo a cruzarse con outras búsquedas non menos determinantes. A clave estará na viaxe metafórica e real ao Finis Terrae máis mitificado polos europeos a través dos séculos.
No acto de presentación deste libro contarase coa presenza do xornalista Xosé María García Palmeiro, home de dilatada traxectoria laboral no mundo da comunicación que vai presentar esta novela.
A asociación cultural A Pomba do Arco quere convidar a todos aqueles que queiran asistir a este evento que terá lugar o venres 22 ás 20.30 horas na libraría Bahía de Foz.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
