Ribadeo, 19 de xaneiro de 2016.- A concelleira Ana Martínez e persoal técnico de Turismo estarán desde este mércores en Fitur mantendo xuntanzas con diferentes empresas do sector para situar o destino Ribadeo dentro dos circuítos de axencias e touroperadores tanto a nivel nacional como internacional. Ribadeo acude a esta feira xunto coa Mancomunidade de Municipios da Mariña. Martínez subliña que o importante é que a xente que chegue a Ribadeo ou a outros concellos durma no zona e goce das súas vacacións nesta comarca.
A edil nacionalista explicou que “un ano máis o Concello de Ribadeo estará presente na Feira Internacional de Turismo de Madrid (Fitur) si ben este ano farémolo dun xeito un pouco diferente á pasada edición. Este ano ímonos centrar máis en manter diferentes reunións con empresas e organismos do sector turístico para situar o destino Ribadeo dentro dos circuítos de axencias e touroperadores tanto a nivel nacional como internacional, para o que xa contamos, desde logo, cunha apertada axenda. Falamos disto porque en base aos datos que vamos recollendo na oficina de turismo concretamos desde que lugares se interesan máis polo noso destino. E queremos incidir en que esa xente que busca información para vir a Ribadeo non só veña e se vaia, non só visite a praia das Catedrais senón que se quede, que pernoite e que ademais tamén poida visitar o resto da Mariña”.
Ana Martínez sinalou que “nesta ocasión o que vamos facer en Fitur é algo diferente ao do ano pasado, cando presentamos a campaña Ribadeoxquesi xunto cunha páxina web de turismo novidosa na nosa contorna e durante todo este tempo esa páxina deu lugar a que nos visitaran máis de 25.000 usuarios. Iso creo que é importante por ese escaparate que podemos ofrecer ao resto do mundo, desde calquera lugar onde a xente poida querer buscar información sobre o noso destino”.
A concelleira de Turismo dixo que “falamos de Ribadeo como destino porque ten esa cultura e esa identidade propia que, desde logo, no marco da Mariña e da Mancomunidade, xunto cos que participamos no stand de Turgalicia, somos un importante punto de atracción na captación de visitantes non soamente para Ribadeo senón para toda a comarca. Eu penso que é un xeito de traballar importante e así é como vamos: da man todos xuntos para tentar que a xente que se interese por As Catedrais, por Ribadeo, por Burela, por Viveiro ou por Mondoñedo busque o que é estar máis tempo na nosa contorna, pernoitar e pasar aquí unha parte importante das súas vacacións”.
Martínez engadiu que “desde Ribadeo sempre buscamos adaptarnos ao perfil deses novos turistas, porque a evolución do turista é cada vez máis rápida, o turista cada vez busca cousas novas e diferentes, as súas demandas tamén son diferentes e aí tamén teño que agradecer e falar da importancia dos empresarios do sector turístico de Ribadeo. Cada vez son máis os que de dedican a este tipo de empresas, tanto de hostalaría como actividades de ocio ou de tempo libre, de actividades alternativas ao que é o propio durmir ou comer. Sempre están aí na vangarda, sempre están mellorando, buscando a calidade e iso é o que nós a nivel institucional temos que presentar, defender e vender durante estes días en Fitur. Alí estarei xunto a persoal técnico de Turismo do Concello e alí defenderemos e posicionaremos Ribadeo e comarca da Mariña xunto coa Mancomunidade”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
