O CD Burela FS Pescados Rubén recuperou a súa filosofía de xogo en Elxe e levou os tres puntos deixando a portería laranxa imbatida. As pupilas de Lucas dominaron a cita; sentenciaron a súa superioridade sobre a pista con tres dianas, con firma de Maite, Gaby e Peque; o desacerto no último pase evitou que a renda fose maior.
As laranxas viviron un partido plácido no Esperanza Lag levando o peso e o compás en todo momento ante un equipo local á expectativa en media pista, que non conseguiu perigo para as galegas; tan só intentaron sorprender, aínda que sen éxito, con disparos exteriores. No minuto 7, a capitá mariñá dáballes vantaxe ás visitantes, cun pase de Gaby ao segundo paso. Superada a medianía da primeira parte, foi a brasileira quen subiu o 2-0, ao culminar de tacón unha volea de Ceci desde saque de esquina. Tras o descanso, aínda que o Pescados Rubén dispuxo de numerosas chegadas sobre a portería de Sonia, tan só puido ampliar distancias con 0-3, no minuto 24, nas zapatillas de Peque, asistida por Maite desde pase longo de Jozi.
Ficha técnica
Elche Oh! My Sandals: Sonia Bernal, Miriam, Mayte, Ángela, Andrea, cinco inicial; tamén xogaron E. Lauri, Susana, A. Pegue, Idoya, Nuria.
CD Burela FS Pescados Rubén: Andrea, Dany, Peque, Bea Mateos, Maite, cinco inicial; tamén xogaron Gaby, Claudia, Ceci, Lara, Jozi.
Goles: 0-1, minuto 7, Maite; 0-2, minuto 11, Gaby; 0-3, minuto 24, Peque.
Tarxetas: Por Elche, amarela a Andrea (minuto 10) e E. Lauri (minuto 19).
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
