Lugo, 29 de xaneiro do 2016._ O Delegado de Cultura e voceiro do BNG na Deputación de Lugo, Xosé Ferreiro, aproveitou a habitual rolda de prensa posterior á Xunta de Goberno para dar conta da aprobación do “Musiqueando…pola provincia de Lugo 2016”.
Tal e como expuxo Xosé Ferreiro, “a Área de Cultura volve apostar, un ano máis, por un programa como “Musiqueando”, co obxectivo de achegar a música popular a todos os recunchos de Lugo, potenciando a música de base, traballada por numerosos grupos, corais e bandas nas distintas comarcas lucenses e incrementando as posibilidades de que teñan un oco nas festas dos nosos Concellos”, sinalou Ferreiro.
O responsable de Cultura na Deputación de Lugo destacou o incremento da contía orzamentaria que este ano se vai destinar a “Musiqueando”, cifrando en 100.000 € o total do custe do programa, 15.000 € máis ca en anos anteriores.
Tal e como informou Xosé Ferreiro, nesta nova edición introdúcese un cambio nos cachés das bandas de música, “escoitando a demanda que desde o sector fixeron chegar á Área de Cultura”, sinalou. Así os cachés das actuacións de “Musiqueando pola provincia de Lugo 2016” serán de 800 € para as bandas de menos de 15 integrantes, de 1000 € para as bandas de entre 15 e 24 integrantes, de 1300 € para as bandas de entre 25 e 39 integrantes, de 1500€ para as bandas de entre 40 e 50 integrantes, e de 2000 € para as bandas de máis de 50 integrantes.
Por outra banda, os cachés serán de 500 € no caso das corais e grupos de música tradicional. Un custe que será, coma en anos anteriores, cofinanciado nun 80% pola Área de Cultura e nun 20% polas comisións de festas, asociacións ou Concellos que soliciten actuacións.
Na vindeira semana sairán publicadas no BOP as bases do programa, momento a partires do cal os grupos que queiran formar parte do “Musiqueando 2016” poderán inscribirse no prazo de 30 días naturais, contados a partires da publicación das bases no BOP. Do mesmo xeito, desde a data de publicación e ata o 31 de marzo, as entidades que así o desexen poderán formalizar a súa solicitude de actuacións.
Orzamentos da Deputación de Lugo
Preguntado polos xornalistas sobre a cuestión dos orzamentos da Deputación, Ferreiro aclarou que “desde o goberno da Deputación estivemos traballando para ter unha proposta de orzamento para esta anualidade seria e responsable, e esta é a liña que seguimos mantendo, por iso resulta sorpresivo que o PP poña unha data límite, pois dá a impresión de que xa está dicindo que non quere que a Deputación de Lugo conte con orzamento, e con isto as únicas perxudicadas son as veciñas e veciños da nosa provincia”.
A isto, sinalou o voceiro do BNG e Delegado de Cultura, súmaselle que “o PP non presentou en ningunha das reunións mantidas entre os voceiros dos grupos políticos con representación na Deputación ningunha crítica descalificadora á proposta orzamentaria presentada, o cal indica, novamente, o seu desleixo e desinterés en que a Deputación teña orzamentos”.
Ferreiro concluíu sinalando que “en todo caso, nunca aceptaremos un orzamento no que se prime a un único Concello á conta de restarlles e deixar sen servizos aos demáis Concellos da provincia” e, insistiu, “o PP verá se quere actuar irresponsablemente ou quere sumarse á proposta do goberno en beneficio das veciñas e veciños da provincia de Lugo”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
