Nova concentración de Mujeres en Igualdad Burela contra a violencia de xénero

Burela, 29 de xaneiro de 2016.- Mujeres en Igualdad Burela, asociación sen ánimo de lucro cuxos fins principais son a protección da muller e a loita contra a violencia de xénero, organiza ao longo de todo o ano xornadas, seminarios, cursos e campañas de prevención contra a violencia de xénero, tamén organiza Concentracións para condenar a Violencia de Xénero tal e como fixeron no día de hoxe así como a que tivo lugar a pasada semana. Lamentablemente, terá que seguir facéndoo mentres e en tanto non cese esta lacra social.

Mary Fraga, presidenta de Mujeres en Igualdad Burela, comenta que a concentración deste venres tivo lugar na Praza de Abastos de Burela e non diante do Concello como vén sendo habitual, porque este venres a convocatoria coincidía cun reparto de alimentos que Mujeres en Igualdad Burela tiña organizado para as persoas máis desfavorecidas de Burela nese mesmo lugar. A pouca participación deste venres nesta convocatoria, do mesmo xeito que en moitas das anteriores que se organizaron, indícannos claramente a pouca concienciacion da poboación en xeral cun tema tan trascendental como é a violencia de xénero e a súa prevención. “Quizais esteamos fallando á hora de facerlle chegar á poboación toda a informacion en canto a violencia de xénero, e teñamos que profundar máis tanto nós, como as Administracións e demáis organismos implicados na loita contra a violencia de xénero con campañas de prevención e asesoramento, xa que creemos que a información é moi necesaria para que a poboación comprenda a magnitude desta lacra social, porque se non a comprende, difícilmente acudirá a este tipo de convocatorias, cuxa asistencia sempre esta moi por baixo do que debera estar dada a importancia do tema a que nos referimos.

Desde Mujeres en Igualdad Burela queren recordarlles a todos o veciños de Burela e da Mariña Lucense, que a violencia de xénero é cousa de todos, que pasou, está pasando e volverá pasar nun futuro se non nos unimos todos para parar esta lacra.

Hai pouco vivimos as consecuencias da violencia de xénero moi preto de nós, na propia Mariña Lucense, tres mulleres resultaron mortas! Aqueles días moitos veciños comprenderon a magnitude desta lacra. O preto das nosas vidas que estaba ocorrendo. Poderían ser nosas nais, nosas irmás, nosas avóas, nosas amigas… foron nosas veciñas!! E entón si saímos á rúa e si dixemos Non á Violencia de Xénero! Pero hai que seguir facéndoo! Hai que continuar dicindo Non á Violencia de Xénero, porque lamentablemente esta lacra non cesou! Seguen matando mulleres! Seguen deixando nenos orfos…!! Por iso temos que seguir saíndo á rúa, unidos, porque soamente se nos mantemos unidos nesta loita, conseguiremos gañar esta batalla!