Ribadeo, 15 de xaneiro de 2016.- O alcalde, Fernando Suárez, está a enviar cartas aos propietarios dos inmobles situados no Camiño de Santiago en Ove, Arante, Covelas, Cedofeita e na propia vila con información sobre a liña de axudas que ven de sacar a Xunta de Galicia para a rehabilitación de edificios e vivendas. O rexedor subliña que os interesados en obter máis información poden achegarse á Oficina Municipal de Rehabilitación.
Suárez Barcia dixo: “trátase precisamente de aproveitar esta nova liña de axudas, que saíu publicada hai poucos días no Diario Oficial de Galicia e que ten que ver co Camiño Norte de Santiago, que afortunadamente pasa por Ribadeo. E se pode ter cousas ás veces un pouco restritivas, de conservación do patrimonio, etcétera, tamén ten outras positivas, como esta. Xa se botaba de menos porque facía tempo que non saían axudas para rehabilitar vivendas no ámbito das parroquias por onde pasa o Camiño Norte”.
O alcalde contou que “se outras veces falamos do casco vello de Ribadeo ou tamén do de Rinlo agora queremos centrarnos tamén nas parroquias de Ove, Arante, Covelas e de Cedofeita así como unha parte urbana de Ribadeo, singularmente nas rúas Deputación e San Lázaro, onde tamén os propietarios de inmobles poden beneficiarse dunhas axudas para rehabilitación que seguen a tónica das outras que anunciamos hai poucos días para o casco vello. É dicir, cunha subvención de ata un 35 por cento de toda a obra, sen o IVE, e cun límite máximo de 11.000 euros por actuación”.
O rexedor ribadense engadiu que “polo tanto estamos enviando unha carta a cada vivenda destes ámbitos destas parroquias e todas as persoas que queiran máis información que pasen pola oficina municipal de rehabilitación, que está na Casa do Concello, para que lles poidamos dar maior información e para que aproveiten, se queren facer algunha actuación, porque isto supoño en calquera momento, cando a Xunta vexa que o número de solicitudes supera a consignación económica poderán pechalo. Ou sexa que se están pensando en rehabilitar que veñan pedir información canto antes”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
