Foz, 14 de xaneiro de 2016. O ciclo de teatro nas parroquias organizado polo Concello de Foz reanúdase este sábado cunha representación en San Martiño e o día 24 deste mes, domingo, haberá outra en Fazouro. Anunciouno este xoves a concelleira de Cultura, Silvia Blach Cuesta.
A edil deu a coñecer que “este sábado, día 16, ás oito e media da tarde en San Martiño, concretamente no local social de Ferreira a Vella, seguimos co terceiro ciclo de teatro nas parroquias. Esta vez tócalle á agrupación Pico do Castro, de Foz, que vai representar a obra De vello gaiteiro. A entrada é de balde, pero agradécese sempre a axuda para o banco de alimentos do concello, polo que teremos alí un lugar de recollida”.
Silvia Blach engadiu que “o sábado 23 comezamos cos actos programados para a celebración da vixésimo quinta edición do Entroido de Foz, coa cea de coroación da raíña. Vai ser ás dez da noite na Sala Bahía, a gala vai estar amenizada polo dúo Eclipse e a reserva de entradas hai que facela na Delegación de Cultura do Concello de Foz ou chamando ao teléfono 982.140.027 ata o día 21 de xaneiro. Do 23 de este mes ao 12 de febreiro teremos no Cenima a exposición dedicada a Pilarín Varela”.
A edil de Cultura rematou comentando que “o domingo 24 ás sete e media da tarde en Fazouro teremos unha representación do ciclo de teatro nas parroquias. Vai ser na antiga escola e o grupo O Centiño ofrecerá a obra O caldeiro máxico. Igual que na do sábado 16, a entrada é de balde pero agradécese a axuda para o banco de alimentos do concello”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
