Santiago, 19 de xaneiro de 2016.- O Grupo Parlamentario Popular defenderá este mércores, na Comisión de Pesca e Marisqueo do Parlamento de Galicia, unha proposición non de lei pola que se demanda que as distintas autoridades autonómicas, nacionais e europeas extremen a vixilancia sobre as Illas Comoras e Taiwan ante os claros incumprimentos da normativa sobre pesca ilegal nos que as flotas destes países están a incorrer.
O voceiro do Mar dos populares galegos, Jose Manuel Balseiro, lembra que a propia Comisión Europea advertiu, a finais do 2015, a estes dous países que estaban no punto de mira polas súas prácticas irregulares conforme ao establecido na normativa internacional e europea sobre pesca ilegal, non declarada e non regulamentada.
As autoridades comunitarias chegaron a impoñer a “tarxeta amarela” ás Illas Comoras e Taiwan o que significa que, si Taiwán e as Comoras seguen sen combater a pesca INDNR enfrontaranse a importantes sancións.
En relación con este particular, en concreto, os populares argumentan na súa iniciativa a necesidade de impoñer reproches de tipo comercial, sen descartar incluso, o máis efectivo: a prohibición das importacións de produtos da pesca procedentes deste países.
EVITAR A COMPETENCIA DESLEAL
O obxectivo final dos populares galegos é que produtos procedentes da pesca ilegal non constitúan unha competencia desleal fronte aos peixes e mariscos galegos que compiten nos mesmos mercados, desvirtuando os prezos, e xerando situacións que provocan a perda de actividade e empregos en Galicia.
“A pesca ilegal pon en perigo os esforzos que os profesionais da pesca de Galicia realiza para acadar o equilibrio social, económico e medioambiental” –dixo Balseiro- “A flota galega ten un compromiso especialmente intenso coa sostibilidade dos recursos, ten demostrado que cumpre cos plans de xestión e recuperación de especies e que aposta pola innovación e por artes de pesca máis selectivas. Para evitar que todos estes esforzos queden en nada hai que aplicar unha política de tolerancia cero fronte á pesca ilegal”.
TAIWAN E ILLAS COMORAS
Balseiro remata explicando que a decisión de expedir unha tarxeta amarela a Taiwán baséase nas graves deficiencias do marco xurídico da pesca e unha falta de eficacia no seguimento, control e vixilancia da flota de longa distancia. Ademais, Taiwán non cumpre sistematicamente as obrigacións previstas pola organización rexional de ordenación pesqueira (orop).
Pola outra banda Comoras delegou parcialmente a xestión do seu rexistro da flota a unha empresa privada. Esta flota opera en incumprimento da lexislación vixente e se detectaron deficiencias no marco xurídico do país, no sistema de sancións, na xestión dos recursos pesqueiros, e nas tarefas de control e vixilancia.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
