Lugo, 28 de xaneiro de 2016.- O Grupo Provincial Popular esíxelle “altura de miras” ao bipartito na Deputación e úrxelle a incorporar as súas demandas aos Orzamentos “polo ben da institución e, o que é máis importante, polo ben de todos e todas as veciñas desta provincia”. Os populares déronlle de marxe a socialistas e nacionalistas ata este venres ás dúas da tarde para modificar o proxecto orzamentario para este ano, actualmente prorrogado.
En concreto, as demandas do PP, expostas nas tres xuntas de voceiros ás que teñen asistido, pasan por incrementar os recursos destinados ao Plan de Obras e Servizos (POS), asumir o financiamento do Servizo de Axuda no Fogar (SAF), así como que se respecten os acordos que a institución ten tomado. Entre eles, os populares reclaman que se cumpra co acordado en Suplusa, que non se modifique o acordo do Pleno de organización para meter “pola porta de atrás” a oito novos asesores e que se garanta que os Concellos da provincia recibirán os fondos comprometidos cando Elena Candia presidía a institución para o financiamento de obras e servizos básicos.
“Non existe un goberno en maioría, polo que consideramos que o máis responsable sería tratar de chegar a acordos que beneficien a todos os lucenses”, explica a voceira dos populares, Elena Candia. Por iso, os populares defenden que as decisións se adopten no único órgano onde se atopa a pluralidade política que é no Pleno “onde se pode ver con transparencia as achegas que fai cada grupo”, engade.
A voceira do Grupo Provincial do PP recorda que ata o día de hoxe mantiveron tres xuntanzas de voceiros “nas que non víamos máis alá que maniobras dilatorias e non se avanzaba nas nosas peticións”. É por iso que os populares se puxeron de prazo ata mañá venres para que as súas peticións sexan tidas en conta “porque esta provincia non pode seguir á espera duns señores máis preocupados polas liortas internas que por darlle solución aos problemas reais dos cidadáns desta provincia”.
“En cada reunión puidemos comprobar que non existe a vontade de negociar, non hai flexibilidade nin en cantidades nin en prazos para chegar a acordos, non polo ben do goberno, senón polo da provincia, ó único obxectivo que rexe a nosa acción”, conclúe.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
