Ribadeo, 20 de xaneiro de 2016.- O Grupo Municipal do PP de Ribadeo visitará todas as parroquias polas que discorre o Camiño Norte para informar aos residentes das axudas á rehabilitación de vivendas postas en marcha pola Xunta de Galicia e o Ministerio de Fomento. Con este motivo, o voceiro municipal do PP, Jesús López Penabad, iniciará a rolda de encontros cos veciños e veciñas o vindeiro luns 25 de xaneiro en Vilela ás 9 da noite.
Está previsto que entre o 25 e o 4 de febreiro percorra todas as parroquias polas que pasa o Camiño Norte a Santiago, as que se poden beneficiar desta orde de axudas. En concreto, o día 26 acudirá a Anzas ás 9 da noite, o 27 a Cubelas ás 9 da noite, o 28 a Cedofeita ás 10 da noite, o 29 a Piñeiro ás 10 da noite, o día 1 de febreiro a Arante ás 10 da noite, a Remourelle o día 2 ás 9 da noite, o 3 a Vilamariz ás 9 da noie e o día 4 a Ove ás 9 da noite. Todas elas serán nos locais sociais.
Esta colaboración que establece a Xunta cos propietarios das vivendas permite habilitar unha liña de axudas directas para os propietarios de ata 11.000 euros a fondo perdido por vivenda. Ademais, como novidade, non só beneficiarán a aquelas edificacións situadas na zona inmediata e contigua ao Camiño, senón ao conxunto da parroquia, polo que todos os veciños da mesma poden solicitar estes apoios ou realizar as consultas oportunas no Instituto Galego de Vivenda e Solo.
O voceiro municipal do PP pon en valor estas axudas porque “supoñen unha oportunidade de beneficio directo para os veciños das áreas polas que discorre o Camiño, polo que tentaremos que as solicite o maior número posible de veciños e veciñas”, conclúe.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
