Lourenzá, 1 de febreiro de 2016. A alcaldesa de Lourenzá, Rocío López, lamenta o retraso da Xunta de Galicia no arranxo de dúas pontes que están derruídas dende as riadas que houbo en outubro de 2014. Unha é a de Gallardo, na parroquia de San Adriano, e a outra está no lugar de Combre, en Santo Tomé.
“Falamos de máis dun ano con dous viarios municipais cortados, con todo o trastorno que iso supón para os habitantes das parroquias afectadas, que son os máis prexudicados”, explicou a rexedora municipal, quen recordou que “o Concello de Lourenzá firmou no mes de novembro un convenio de cooperación coa Consellería de Medio Rural, da Xunta de Galicia, para a realización das mencionadas obras de infraestrutura e aínda seguimos esperando a que se inicien os traballos. A finais de novembro e dado o retraso na execución das obras dende o Concello enviamos un escrito á Consellería pedindo présa e a fixación dunha data prevista para o inicio dos traballos, non recibindo ningunha contestación ao respecto. Neste pasado mes de xaneiro, logo de sendas comunicacións con Desenvolvemento Rural, informáronnos que dende a Consellería quedou todo encamiñado o ano pasado e que se está retomando o tema para executalo o antes posible”.
Rocío López engadiu: “esperamos que este problema herdado do anterior goberno municipal se solucione, xa que de non ser así será o Concello o que teña que afrontar o financiamento das obras, algo que se torna difícil dada a escaseza de recursos económicos. E insiste na necesidade de arranxar as pontes canto antes, xa que coa chegada das choivas fortes a situación empeorará máis aínda e provocará de novo o desbordamento do río. Estamos a falar dun problema que afecta ó día a día os veciños de Lourenzá, que se ven na obriga de dar un enorme desvío para poder acceder as súas vivendas e os seus negocios, con todos os trastornos que iso conleva”.
A alcaldesa confía en que “dende a Consellería se axilicen os trámites o antes posible e acometan as obras de construción das pontes derruídas Esperamos que a situación volva pronto á normalidade e se poida restablecer o tráfico nas mencionadas vías municipais garantindo así os servizos aos veciños afectados”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
