Co mesmo epígrafe que encabeza estas liñas estase a celebrar na histórica Casa da Parra da Quintana compostelá,unha exposición de fotografía da que son autores oito dos mais sobranceiros artistas plásticos galegos actuais, algúns mariñáns ou con fondas relacións coa nosa comarca. Abre a nómina da mesma Daniel Caxigueiro, o mindoniense afincado en San Martiño, onde mesmo ao pé da basílica creou o “Espazo Caritel” que veo a engadir atractivo histórico do lugar, dende as consideracións puramente históricas e artísticas/monumentais, con un xardín botánico de 3500 m2 no que poden contemplarse numerosas especies arbóreas e plantas, exóticas e autóctonas, entre as que chaman a atención de cantos visitan o lugar,as mais do cento de variedades de camelias, sen dúbida o maior atractivo cultural do concello de Foz.
A importancia que a Consellería de Cultura da Xunta, promotora, concede á mostra reflíctese na calidade e o coidado do magnífico catálogo editado pola mesma: un volumen tamaño A-4, de calidade excepcional, con mais de cen páxinas a todo cor; algunas delas dobles, en papel acartonado; todo un luxo editorial.
Na nota introductoria ó mesmo o Conselleiro Román Rodriguez remata así o breve comentario: “quizais non haxa nada que decir; abonda con mirar”.
Na obra artística do escultor Caxigueiro, a poesía e a fotografía reaccionan como un resorte interpelando e reivindicando, porque na traxectoria de Daniel o compromiso forma parte da súa obra, á que neste caso hai que engadir a aportación mariñán de Olga Osorio, profesora da Universidade da Coruña, prestixosa profesional do audio-visual, coa serie “O pasadelo de Rilke”,que na focega parroquia de Santo Acisclo ten as orixes e nela pasa tempadas.Por outra banda Xoan Piño, outro dos oito que forman o grupo de elite, lembrámolo hai moitos anos (40, acaso? residente en Foz, xove doutor en medicina iniciándose na profesión, xa daquela un virtuoso da guitarra na que é todo un mestre. Na mostra presenta a colección “Dez outonos no Courel”. Completan a nómina de artistas no “Camiño de volta” nomes de tanta zona no panorama da arte en Galicia coma Carmen Chacón, Denis Estévez, Xurxo Gómez-Chao, José Meis e Manuel Sendón. A mostra permanecerá exposta ata o día 27 de marzo.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
