Lugo, 21 de febreiro de 2016.- A candidata á presidencia do Partido Popular de Lugo Elena Candia conta con máis do 80% dos apoios daqueles concellos que xa teñen elixido os seus compromisarios e que non precisan facer unha votación. Así, dos 55 concellos nos que xa se teñen proclamado os compromisarios, no 80% deles os alcaldes e agrupacións locais téñenlle amosado o seu respaldo ao equipo que encabezan Elena Candia e Ramón Carballo.
A rexedora de Mondoñedo agradece a confianza que estas agrupacións locais lle teñen manifestado, así como a boa sintonía que se está a dar nas reunións que mantivo pola provincia “nas que cada vez a militancia nos achega máis propostas e inquedanzas”, explica.
Elena Candia agradece de xeito especial o apoio dese máis do 80% de agrupacións locais que xa teñen asignados aos seus representantes, posto que “sitúan a miña candidatura nun bo posto de saída para a votación que terá lugar o vindeiro día 6 de marzo no congreso extraordinario”.
A ex presidenta da Deputación pon en valor as xuntanzas mantidas onte en Lugo, que por vez primeira e como xesto de proximidade coa militancia se celebraron nos distritos. “A asistencia, máis de 300 persoas nas reunións que fixemos onte, indícannos que a decisión de achegarnos aos distritos foi acertada”, engade Candia.
Reunión sectorial
A candidata á presidencia do partido mantivo hoxe mesmo unha reunión coas persoas que ten incorporado ao seu equipo e que representan aos diferentes sectores estratéxicos da provincia. No encontro, no que participaron, amais da candidata, o presidente do Consello Regulador da Ribeira Sacra, José Manuel Rodríguez, a médico Encarna Amigo, a presidenta do Colexio de Veterinarios, Ana María López Pombo, a letrada Mercedes Rodríguez e a presidenta de Síndrome Down Lugo, María José Blanco, deron comezo co esbozo dunha proposta sectorial integral que dea resposta ás inquedanzas que traslada a militancia.
O equipo multidisciplinar que ten conformado Elena Candia conta con representantes dos sectores con peso na provincia, como o primario, da pesca, a sanidade, a política social e o viño. Así, no campo vitivinícola falouse da necesidade de regulamentar as normas de plantación e abandono, adaptar a normativa de tratamentos fitosanitarios e solucionar a tramitación de carnés de manipulador dándolle competencias aos técnicos dos consellos para poder impartir os cursos. Tamén no ámbito pesqueiro se falou da defensa dos intereses do sector.
En materia social, adoptouse a decisión de reunirse con todo o asociacionismo da provincia nos primeiros tres meses do mandato. E no campo da sanidade a candidatura de Candia proponse ser un interlocutor
das necesidades e problemas dos usuarios e profesionais sanitarios e defender os hospitais que operan na provincia.
No ámbito agrogandeiro a proposta pasa por crear unha mesa de traballo cos titulares de explotacións de vacún e outros profesionais para abordar medidas que axuden a xestión das explotacións para que gañen en rendabilidade. Suxiren ademais crear un espazo de traballo que incorpore ás industrias alimentarias para potenciar a súa expansión a través sobre todo de distintivos de calidade, como son los etiquetados facultativos, sistemas de exportación á UE e a terceiros países onde Galicia conta con potencial.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
