Lourenzá, 12 de febreiro de 2016.- A Asociación de Comerciantes, Industriais e Autónomos de Lourenzá (ACIAL), entregou este xoves ao seu agraciado a cesta de Entroido que sortearon o Martes de Carnaval en combinación coas tres últimas cifras do cupón da Once. O agraciado foi Antonio Villarino, que recibiu a cesta de mans da Tesoureira da Asociación Mª Fe de la Barrera.
O desfile de Entroido será este domingo 14 de Febreiro, a inscripción será de 12:00 a 15:00 no recinto feiral e a saida do desfile está prevista para as 16:30. Agardan que as condicións meteorolóxicas sexan favorables para que tanto disfrazados como espectadores poidan disfrutar do desfile. No caso de que as condicións meteorolóxicas sexan moi adversas por mor da chuvia, o desfile faríase no recinto feiral.