Non hai carreira que se lles resista. As irmáns Rodríguez, do Maderas Barcia Lourenzá, viaxaban o pasado sábado á prestixiosa popular de Padrón onde impoñían a súa lei na categoría benxamín e infantil.
Iria e Ainara, respectivamente, impoñíanse nunha carreira na que participaban máis de 1.500 atletas. Por detrás de Iria (benxamín) remataban María Fuentes, de Marín, e Alba Isorna, de Catoira. Ainara (infantil) gañaba por diante dunha das sensacións da temporada pasada Deki Mato, do Millaraio de Santiago, e de Noelia Castro, tamén do Millaraio.
O resto do equipo prepara xa o galego xuvenil de pista cuberta o vindeiro sábado en Riazor e o provincial de pista cuberta de menores o vindeiro domingo en Lugo.