Burela, 17 de febreiro de 2016.- O Cidade As Burgas logra o pase á final da Copa Galicia tras derrotar por 0-1 ao Burela Pescados Rubén cun solitario gol de Candela na primeira parte. O conxunto burelés perdoou en exceso, sobre todo nunha primeira parte que comezou con acoso laranxa sobre a meta ourensá. Dous disparos de Peque, unha ocasión de Dany e un disparo ao pau de Bea Mateos foron a carta de presentación local que Manolo Codeso cortou solicitando un tempo morto que centrou ao seu equipo. Mantívose o dominio local aínda que sen tanto perigo e na primeira aproximación visitante chegou o decisivo gol de Candela. Tras un córner, o balón quedou solto no área burelesa e Candela fusilou a Andrea para situar o 0-1, minuto 10. O Burela Pescados Rubén acusou o golpe momentáneamente aínda que o Cidade mantivo o seu guión esperando en 12 metros a súa ocasión ao contragolpe. As burelistas non conseguían atopar espazos nin xerar excesivo perigo e ao descanso chegouse co 0-1 logrado na única aproximación ourensá. Na continuación ambos conxuntos seguiron interpretando idénticos papeis. Dominio burelés aínda que cun Cidade que se estiraba máis ao contragolpe. Candela levou a voz cantante nesta faceta do seu equipo que gozou dun par de oportunidades para ampliar a súa renda. A escuadra de Lucas non atopaba o tempo preciso para abrir o entramado defensivo das verdibrancas e no minuto 31 apostou polo xogo de cinco. Nunha primeira fase o Cidade logrou frear con solvencia o envite local pero segundo aproximábase o final as mariñás gozaron de tres boas oportunidades para o empate. A meta ourensá, Ana Lastras, evitou a igualada e o pitido final confirmou a clasificación do Cidade As Burgas para a final da Copa Galicia na que se verá as caras co Ourense Enviália.
Ficha técnica
CD Burela FS Pescados Rubén: Andrea, Bea Mateos, Ceci, Peque, Dany -cinco inicial- Lara, Claudia, Maite.
Cidade As Burgas: Ana Lastra, María Arias, Iria Saeta, Nespereira, Vane Sotelo-cinco inicial- Candela, Sonia Pacios.
Goles: 0-1, m.10, Candela.
Árbitros: Fernando Belo, José Manuel Gómez. Crono: Eva Fernández
Incidencias: Partido correspondente á semifinal da Copa Galicia, disputado no pavillón Vista Alegre de Burela, 250 espectadores.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
