O grupo de montaña do Club Marqués de Casariego organiza unha nova saída. O domingo 6 de marzo agardan desprazarse a Liñares de Bidul, Riodeporcos, Sena (Fonsagrada – Ibias) con saída ás 08.00 horas dende Tapia. “Comezaremos a caminar en Liñares de Bidul (800 m) para dirixirnos cara Riodeporcos atravesando hermosos bosques, seguindo o curso do regato do Navallo. Colleremos a pista que nos leva a Riodeporcos, lugar que so conta con dous accesos, un pola ponte colgante pola que accederemos e outro por unha pista para vehículos todoterreo dende Sena. Trala visita ao pobo seguiremos rumbo a Sena para comer alí: o menú na Taberna de Marta por un prezo de 15 euros ou de bocadillo nun local á parte que facilitan para tal fin. O prezo da inscrición é de 3 euros para os socios, 5 para os socios non colaboradores e 12 para non socios. Os interesados poden inscribirse a través do enderezo electrónico cdbmarquesdecasariego@gmtapia.es ou dos teléfonos 689 175 515, 659 000 707 ou 608 540 828.
O grupo de montaña de Tapia achégase a Riodeporcos
Relacionado
-
Xa se coñecen os traballos que resultaron gañadores do certame de narración e debuxo infantil de Cervo convocado con motivo das Letras Galegas
-
Presentacion do libro “Ángeles Alvariño. Mi estela en los oceános” de Germán Castro Tomé
-
Este martes celebrouse cunha gran afluencia de público un novo “Arruguiñas falando”
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
