Muras, 22 de febreiro de 2016.- O Grupo Municipal do Partido Popular de Muras rexistrou unha moción para o seu debate na próxima sesión plenaria local a través da que solicita que o Concello aprobe incentivos económicos para as familias do municipio co obxecto de fomentar a natalidade nunha localidade “fortemente castigada polo despoboamento e o envellecemento dos seus veciños”. O voceiro dos populares, José Danilo Requeijo, resalta a importancia de que se promovan iniciativas dende a política municipal para “dinamizar a poboación en Muras”.
En concreto, a moción presentada polos populares solicita a posta en marcha de dúas liñas de axuda diferenciadas. Por un lado, dende o Grupo Municipal do Partido Popular piden que o Concello estableza unha achega económica de 1.000 euros para aquelas familias con nenos/as que nazan e se empadroen na localidade “co fin de colaborar cos gastos derivados da maternidade e da paternidade”, explica Danilo. O voceiro engade que para cobrar a referida axuda “é preciso que, polo menos, un dos proxenitores estea empadroado no censo do Concello dous anos antes de solicitala, así como tamén un ano despois, senón deberán devolver o importe recibido”.
Por outro lado, os populares tamén solicitan a apertura dunha liña de axudas para pais con menores, empadroados no municipio, de entre 3 e 12 anos ao seu cargo. En concreto, refiren a unha achega económica de 700 euros para os que estuden no CEIP Antía Cal Vázquez; a outra de 400 euros para aqueles que cursen os seus estudos noutros centros. Tamén piden unha achega de 500 euros para as familias que teñan fillos/as ao seu cargo de entre 13 e 16 anos, empadroados no municipio, e que cursen a ESO. Ao igual que para a primeira liña de axudas, un dos proxenitores e o menor debe estar empadroado en Muras dende hai dous anos, e deben permanecer na localidade un ano, unha vez percibida a axuda.
Por último, o voceiro dos populares locais asegura que esta moción débese a que un dos principios reitores de actuación dos poderes públicos “debe ser o apoio e a protección da familia. As previsión dun continuado decrecemento poboacional sinalan un horizonte demográfico preocupante que nos sitúa ante un problema estrutural sobre o que é preciso actuar e deste xeito pretendemos facer do Concello de Muras unha administración más sensible ás necesidades das familias”.
Estas axudas serán compatibles e complementarias con outros apoios económicos que xa teñen en marcha outras administracións como é o caso da Xunta de Galicia.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
