Lugo, 3 de febreiro de 2016.- Os catro centros sociocomunitarios dependentes da Consellería de Política Social na provincia de Lugo ofertan máis de medio centenar de actividades para o primeiro semestre do ano. Entre a programación, da que poderían beneficiarse máis de mil usuarios, figuran diversos obradoiros, actividades deportivas e iniciativas orientadas ao lecer e ao adestramento mental das persoas maiores.
O prazo de inscrición permanece aberto para a maioría dos cursos e os interesados en matricularse poden solicitar información nos propios centros que a Xunta ten en Vilalba, Lugo, Ribadeo e Mondoñedo.
No centro sociocomunitario da capital lucense, situado no barrio da Milagrosa, estanse a ofrecer clases de risoterapia, inglés, manualidades, taichi e ritmo. Tamén o espazo cívico de Vilalba está a desenvolver diversas actividades, entre as que se atopan as orientadas ao Entroido, clases de taichi e de mellora da memoria. Así mesmo, a Xefatura Territorial de Política Social está a colaborar coas iniciativas que as corais Xolda e Luar levan a cabo nos centros de Lugo e Vilalba respectivamente.
Pola súa parte, o centro sociocomunitario de Ribadeo imparte dous cursos de talleres de técnicas múltiples e un curso de bailes de salón en colaboración coa asociación de amas de casa da localidade. Outras actividades ofertadas polo espazo ribadense son os cursos de ximnasia de mantemento e de adestramento da memoria, que organiza a Cruz Vermella; clases de ximnasia adaptada a persoas maiores organizadas por Cogami; e máis un taller de patchwork e un curso de informática de nivel avanzado.
Tamén en Mondoñedo se están a ofrecer clases de diversas actividades deportivas, como zumba e pilates, e ximnasia de mantemento en colaboración coa asociación “Elixe tú”. Este centro desenvolve ademais un taller de memoria impartido polo persoal do Centro de Información á Muller do concello, e obradoiros de manualidades en pintura, e de palillo, gancho e bordado.
Por outra banda, e grazas a un convenio asinado coa fundación La Caixa, a partir deste mes poñeranse en marcha nos centros sociocomunitarios de Vilalba, Lugo e Mondoñedo diversas actividades de voluntariado, iniciación a internet, manexo de programas informáticos e exercitación mental. O prazo de inscrición permanece aberto tamén para estes cursos.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
