Lugo, 29 de febreiro de 2016.- Turismo de Galicia investirá preto de 1,5 millóns de euros no fomento da accesibilidade e sinalización dos recursos turísticos do medio rural galego, continuando cunha actuación iniciada o pasado ano e que pretende dotar ao medio rural de Galicia das infraestruturas e sinalización adecuadas para que sexa un recurso turístico accesible para todos.
A delegada territorial, Raquel Arias, invitou aos concellos da provincia a participar neste programa de axudas, que se convocou hoxe no Diario Oficial de Galicia (DOG), e lembrou que na anterior convocatoria financiáronse actuacións en 14 concellos por importe total de 234.236 euros.
Arias sinalou que o turismo é un sector fundamental no desenvolvemento de moitas zonas rurais e puxo de relevo o esforzo que está a realizar a Xunta, a través de Turismo de Galicia, para consolidar un destino turístico atractivo, de acordo cos principios de calidade, accesibilidade e sostibilidade.
Segundo datos de Turismo de Galicia, o turismo rural rexistrou un incremento de demanda o pasado ano, superando nun 20,8% a súa cifra de viaxeiros aloxados e nun 16% o seu nivel de pernoitas do anterior ano 2014.
A Xunta, afirmou Arias, “potencia o turismo valorizando ao mesmo tempo os nosos recursos como un factor de crecemento económico e un instrumento de reequilibrio territorial”. Proba delo son estas axudas, engadiu, que propician accións tales como a construción, ampliación ou mellora de aparcamentos, pasarelas, ramplas e eliminación de barreiras arquitectónicas, aseos adaptados para persoas con diversidade funcional, nova sinalización en estradas e instalación de paneis interpretativos, así como a implantación de ferramentas tecnolóxicas, entre elas aplicacións para teléfonos intelixentes, códigos QR, tecnoloxía NFC ou audioguías, entre outras actuacións posibles.
En canto aos criterios de valoración, priorizaranse as axudas para a realización de obras complementarias que melloren a actuación de accesibilidade ou sinalización, tales como demolición e retirada de estruturas construídas que non harmonicen co recurso, acondicionamento de muros, fachadas e balaústre e outras similares que melloren a estética do recurso; as actuacións levadas a cabo en espazos xeográficos de relevancia turística; as intervencións postas en marcha por entidades locais que acrediten unha boa xestión; as iniciativas que se atopen no ámbito territorial de Administracións locais que promoven políticas urbanísticas destinadas a mellorar, conservar e recuperar a súa calidade paisaxística e medio ambiental; e as actuacións realizadas nos municipios declarados de Interese Turístico de Galicia.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
