A lei Orgánica 8/2013, do 9 de decembro, para a Mellora da Calidade Educativa (LOMCE) establece no seu artigo 21 que ao finalizar o sexto curso de Educación Primaria, realizarase unha avaliación individualizada a todos os alumnos e alumnas. Esta avaliación faríase por primeira vez no curso 2015-2016.
As familias da Confederación Anpas Galegas, que manifestamos de novo o noso rexeitamento á totalidade da LOMCE, e moi concretamente a esas “probas de avaliación”, quixeramos demandar desa Consellería a inmediata paralización das citadas probas, máis aínda logo de ver as múltiples e moi contraditorias declaracións públicas de todos os responsables políticos sobre a permanencia e/ou aplicabilidade da LOMCE; pero, á vista da falta de información existente na nosa Comunidade, queremos facer a esa consellería as seguintes preguntas:
• Ten esa consellería previsto realizar neste curso académico esta proba de avaliación en sexto curso de primaria?
• No caso de que así sexa:
– Teñen os centros escolares información sobre o procedemento e a metodoloxía que se vai desenvolver?
o Existe un calendario pola que se vaia rexer a organización destas probas?
– Existe a previsión de información a toda a comunidade educativa dun xeito efectivo para evitar as dúbidas que propiciaron o desconcerto do pasado curso na implantación da avaliación de 3º curso de primaria?
Evidentemente, a novidade fainos incidir máis nesa proba que resulta máis descoñecida para todas as familias galegas, pero non por iso queremos deixar de preguntarlle tamén polas outras avaliacións que establece a LOMCE, concretamente:
• Logo da protesta xeneralizada no pasado curso 2014-2015, e a non asistencia de boa parte do alumnado, vai esa consellería repetir a avaliación de 3º curso de educación primaria?. De ser así, vai haber algunha variación sobre a convocatoria do pasado curso?
• Actualmente o alumnado que cursa 4º da ESO, e por suposto as súas familias, temos unha preocupación permanente polas probas de avaliación final de Bacharelato, probas das que vai depender xa non só a obtención do título de bacharel senón tamén o acceso á universidade. Este alumnado que hoxe está en 4º da ESO serán os primeiros, segundo o calendario LOMCE, para quen esa avaliación sexa imprescindible, polo que a planificación dos cursos de bacharelato ten que ser coñecedora do contido e xeito nos que se han facer as probas. Que planificación ten feita a consellaría de educación ao respecto das Avaliacións Finais de Bacharelato, que substituirían ás actuais Probas de Acceso á Universidade?
Agradecémoslle que a súa resposta sexa rápida e concreta, é unha preocupación constante das familias galegas o coñecemento do futuro que lles vai afectar aos nosos fillos e fillas.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
