Burela, 1 de marzo de 2016.- O alcalde, Alfredo Llano, mantivo na mañá deste luns unha xuntanza no Concello con responsables de Portos para falar do futuro do solar que está situado detrás da Capitanía Marítima. O rexedor pretende crear un espazo público e de esparexemento, que conte cun parque infantil e con locais hostaleiros que promocionen os produtos que pesca a flota burelesa. Terá acceso e saída pola Travesía do Porto. O Concello está a limpar hoxe toda esa zona e proximamente presentará en Portos o proxecto a desenvolver.
Llano manifestou que “tal e como tiña falado co presidente de Portos en Santiago quedamos en preparar unha zona onde ten Portos unha serie de almacéns nos que ultimamente ían recollendo para alí os diferentes aveños que o mundo do mar vai desestimando antes de mandalos para reciclar”. O alcalde indicou que “en base a aquela conversa quedamos xa en preparar un espazo público na Travesía do Porto, ao mesmo tempo tamén hai alí unha serie de naves que agora mesmo non se están empregando e queremos facer unha proposta de negocio para abrir catro bares que teñan relación co mar e preparen comidas co obxectivo de promocionar o noso produto que se pesca aquí no porto de Burela. Tamén queremos, si é posible, que algunha empresa que teña conservas propias da zona de aquí de Burela, por exemplo polbo ou bonito, poida poñer un posto de venda”.
O alcalde salientou que “agora estase limpando esa zona e vaise deixar libre. Nosoutros xa imos preparar un proxecto de uso que basicamente vai ser da retirada da parede que está agora contra a Travesía do Porto. Eu penso que Portos vai preparar a zona de dentro e imos chegar a un acordo presentando un proxecto para uso de esparexemento público”. Alfredo Llano engade que “despois xa veremos cómo facemos as cargas económicas a través de Portos e do Concello, pero de momento hai boa predisposición a axudar neste campo”.
O rexedor burelés “pensa que vai ser unha motivación máis para esa zona e vai quedar perfectamente, dado a súa proximidade ao porto e ás praias. Imos tratar de facelo o antes posible e imos preparar un proxecto para ver o que se pode colocar alí. A miña intención é crear un parque infantil, un espazo para terrazas e un lugar para esparexemento e concentración das familias e da xente que queira ir alí a gozar do que se poña en marcha”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
