A Asociación de veciños do Burgo de Trasbar vén de celebrar o II Maratón de tute este sábado 19 de marzo no local social de Trasbar e nunha carpa instalada na explanada a carón do local.
Esta é xa a segunda edición. Estamos satisfeitos de que aumentara a participación con respecto ao ano pasado. Un total de 28 parellas disputaron este maratón que comezou polas 17.00 horas e rematou sobre as 04.00 horas do domingo, incluíndo unha final e dúas repescas.
Clasificación:
– na segunda repesca: segundo premio para Tristán e José Antonio (80 €) e primeiro premio para Kely e Suso (130 €)
– na primeira repesca: segundo premio para Julián e Manolo (130 €) e primeiro premio para Horacio e José Manuel (180 €)
– na final: o cuarto premio para Toñito e Andrés (80 €); terceiro premio para Jota e José (180€); o segundo premio levárono Abelardo e Santi (280 €); o primeiro premio foi para a parella formada por Román e Nelo (480 €), de San Cibrao.
A directiva agradece “a participación de toda a xente que se apuntou e agardamos poder contar con todas as parellas no vindeiro maratón e con algunha máis”.
Tamén agradecen “á asociación de montes de Vilaestrofe por deixarnos o seu cañón de calor e, sobre todo, ao Concello de Cervo pola súa colaboración e pola boa disposición que mostra sempre con esta asociación”.
Ata o 12 de xullo, mozos e mozas poderán gozar, aprender e mellorar a súa técnica nun ambiente divertido e seguro. Está organizado pola FEGAN (Federación Galega de Natación) en colaboración co Concello de Cervo, este campus aposta polo deporte e a formación.
Este luns tivo lugar a presentación do cartaz. Estiveron presentes os organizadores, membros da Asociación de Festexos A Medorra (Jordi Meitín, Julio Lamelas e Borja Cociña) acompañados da Primeira Tenente de Alcalde Mª Dolores Meitín. Ás 12 da mañá dará comezo a festa co pregón a cargo de Basilio Otero, presidente da Federación Nacional de Cofradías de Pescadores. A xornada gastronómica estará amenizada por “Os Charangos de Neda” e polos cantos de taberna de “Espera que vou mexar”.
As crianzas gozaron dunha primeira sesión chea de movemento, relaxación e diversión na Casa do Mar en San Cibrao, un espazo para coidar o corpo e a mente mentres se pasa un bo rato coas amigas e amigos
O Club Shitokai Galicia A Mariña presentou a catro aspirantes que resultaron aprobados: Carlos Fernández e Elena Dovale: 2º Dan (coa inestimable colaboración de Alejandra Gómez nos traballos técnicos por parellas). Gael Álvarez e Cristian Rancaño: Cinto Negro. Con estes resultados alcanzaron xa a cifra de 160 Cintos Negros Oficiais RFEK recoñecidos por CSD. A destacar o magnífico traballo realizado por todos os aspirantes.
No curso traballáronse técnicas antigas de Ju Jutsu e Aiki Jujutsu. Desprazáronse profesores e alumnos avanzados de diferentes recunchos de España, así como de Portugal, Ucrania, Países Baixos, Suecia e Bélxica. A alcaldesa, Dolores García Caramés, quixo achegarse ata o pavillón do CEIP Península da Paz para saudar ás persoas asistentes e felicitou unha vez máis a Miguel Ángel Rojo por volver poñer a Cervo no mapa a nivel Europeo en canto a seminarios de artes marciais do máximo nivel.
Nada se puido facer por salvarlle a vida. O 112 Galicia foi coñecedor deste suceso uns vinte minutos antes das 14:00 horas deste domingo, momento no que un coche e unha moto colidiron, co motorista inconsciente logo do impacto. Desde o CIAE 112 Galicia solicitouse a intervención do Servizo de Urxencias Sanitarias de Galicia-061, do GES de Ortigueira, da Garda Civil de Tráfico e da Policía Local. Os medios acudiron ata o punto, no quilómetro 49 da AC-862, pero só puideron confirmar o falecemento do motorista.
Unha maneira divertida e creativa de reciclar mentres soñan con aventuras baixo o mar.
