Cervo, 11 de xullo. O Concello de Cervo convida a toda a veciñanza e visitantes a gozar das Festas na honra á Virxe do Carme que se celebrarán en San Cibrao entre os días 12 e 16 de xullo, cun completo programa de actividades culturais, relixiosas e musicais pensadas para todos os públicos.
O sábado 12 de xullo dará comezo a programación cunha gran mexillonada popular na Praza dos Campos, organizada pola Asociación Amigos da Maruxaina, a partir das 20:00 horas. O luns 14, a praza do Lugar acollerá a representación teatral A Tarabela Ambulante.
O martes 15 de xullo, día grande das festas, terá lugar unha sesión vermú coa orquestra Salsarena e pola noite celebrarase a tradicional Misa Solemne na Igrexa Parroquial de Lieiro, ás 21:00 horas, cantada pola Coral Terramar. A continuación, terá lugar a baixada da Virxe do Carme en procesión ata o peirao, acompañada pola Banda de Música San Inocencio de Burela. Esta procesión, organizada pola Asociación Mar de San Ciprián, incluirá unha homenaxe especial aos compañeiros recentemente falecidos Ángel Ramón Villares Núñez e Mari Luz Bertolo Álvarez, que durante anos colaboraron activamente coa organización da procesión.
Xa pola noite, a praza dos Campos acollerá unha gran verbena coas actuacións da orquestra Salsarena e o grupo Arizona.
O mércores 16 de xullo, celebrarase unha misa solemne no peirao, ás 12:00 horas, cantada tamén pola Coral Terramar. Ao remate, terá lugar unha ofrenda floral na honra aos mariñeiros falecidos, a cargo de Mari Carmen Pena Coldeira, seguida da procesión cara á Igrexa de Lieiro, acompañada polo grupo de gaitas A Rebolaxe e que organiza Mar de San Ciprián.
Ese día a sesión vermú estará protagonizada polo Grupo La Bamba que repetirá na verbena xunto á orquestra Fania Blanco Show, a partir das 22:00 horas.
A alcaldesa de Cervo, Dolores García Caramés, salientou que “estas festas son unha das máis especiais e arraigadas da nosa vila, e queremos convidar a todos os veciños, veciñas e visitantes a participar e gozar con responsabilidade de cada unha das propostas programadas”.
Engadiu tamén un agradecemento especial a todas as persoas, colectivos e asociacións que colaboran para facer posible esta celebración, mantendo vivas as nosas tradicións e o noso espírito mariñeiro. “O seu traballo desinteresado e comprometido é fundamental”.
O Concello de Cervo quere recoñecer de maneira especial a colaboración da Asociación Mar de San Ciprián, a Asociación Amigos da Maruxaina, a Anxuela, a Asociación Mulleres de San Ciprián –que se encarga da decoración floral- e todos os grupos musicais –como A Rebolaxe e a coral Terramar- culturais e voluntariado implicado nestas festas con tanta tradición en San Cibrao.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
