Este convenio de colaboración, que dá resposta a unha demanda do municipio de Xove, inclúe por 1,6M€ o acondicionamento dun treito da LU-P-2601; un tramo da LU-P-6606; e a mellora da LU-P-2604 e da LU-P-2605 na súa totalidade
Lugo, 8 de xullo de 2025. O Presidente da Deputación de Lugo, José Tomé Roca, e o Alcalde de Xove, José Demetrio Salgueiro Rapa, asinaron este martes na Casa Consistorial un convenio de colaboración de 1.636.807,30€ para arranxar 4 vías e ceder a este municipio as 10 estradas provinciais que vertebran o concello de Xove, o que supón un total de 45 quilómetros. O acordo, que se divide en catro anualidades, inclúe, ademais do cambio de titularidade, o acondicionamento dun treito da LU-P-2601, un tramo da LU-P-6606; e o arranxo da LU-P-2604 e a LU-P-2605 na súa totalidade.
O mandatario provincial recordou que “unha das nosas liñas de goberno é a cooperación e a asistencia a todos os concellos da provincia e facémolo sen distincións de ningún tipo e sen importar a cor política, porque cremos que é así como se constrúe un territorio máis vertebrado, máis igualitario e con máis oportunidades para toda a veciñanza”.
Neste sentido, recordou que “fai unhas semanas asinamos un acordo de colaboración co Concello de Palas de Rei para a cesión dun tramo urbano da LU-P-2901, e hoxe atendemos a petición desde concello mariñán coa que se mellorará a mobilidade, a seguridade e a calidade de vida dos veciños e veciñas de Xove”.
As obras de acondicionamento que se inclúen neste convenio son as seguintes:
– Con case 478.000€ realizarase a segunda fase do acondicionamento da estrada LU-P-2601, a vía que une a autonómica LU-862 con Portiño de Moras, nun treito de algo máis de 2 quilómetros, do punto quilométrico 2,850 ao 5,524. Tras estes traballos quedará acondicionada a totalidade da estrada.
– Con máis de 141.000€ acometeranse melloras nun tramo da LU-P-6606, a vía que une Augadoce con Fontao por Faro. O treito que se vai arranxar vai do punto 2,222 ao 4,629.
– Con preto de 857.000€ rehabilitarase o firme do trazado completo da LU-P-2604 que vai da autonómica LU-862 ata Valcarria por Monte.
– E con algo máis de 160.000€ mellorarase o firme da LU-P-2605, a estrada que une A Tronca e Tarolo por Vila.
Tras rematar estes traballos de acondicionamento e unha vez se aprobe na sesión plenaria a Deputación cederá ao Concello de Xove estas vías xunto á LU-P-2602 desde Porto de Morás a Beltrán; a LU-P-2603 desde a autonómica LU-862 ata a LU-P-2061 por Chao de Aldea; LU-P-2606 desde Xove ata a Rocha; LU-P-2607 que vai desde Cruceiro ata Portecelo; LU-P-2609 desde Sumoas ata Toimil; LU-P-2610 que une Vara coa Área pola praia de Esteiro.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
