Lugo, 29 de abril de 2016. O sector agroalimentario galego será o protagonista do último almorzo coloquio que a Federación Galega de Jóvenes Empresarios (FEGAXE – AJE Galicia) organiza o vindeiro venres 6 de maio en Lugo. A visión que os novos empresarios e emprendedores teñen sobre o sector e o seu futuro máis inmediato serán o fío condutor dun almorzo no que participarán entre outros a conselleira de Medio Rural, Ángeles Vázquez, e a presidenta de AJE Galicia, Carmen José López.
A Ferretería Eventos & Co acollerá un almorzo coloquio que “pretende poñer en valor o sector agroalimentario galego e, ao mesmo tempo, presentarnos dun modo moito máis atractivo as oportunidades que o rural nos ofrece”, explica a presidenta de AJE Galicia. Ninguén pon en dúbida a condición estratéxica, tanto desde o punto de vista económico como social ou mesmo cultural, do sector primario na nosa comunidade, engade López. E, é por iso que, eventos como este fanse cada vez máis necesarios para crear sinerxias entre empresarios, sensibilizar ás administracións e para facilitar tamén unha recuperación económica plena, engade.
A calidade, a innovación e a internacionalización son, segundo a presidenta de *AJE Galicia, os tres alicerces sobre os que sustentar o crecemento do sector agroalimentario galego. Para Carmen José López, a calidade das nosas materias primas é “un elemento diferenciador que nos abre, en moitos casos, a porta a mercados ata agora non explorados”. É por iso que, ao seu xuízo, a administración e as asociacións empresariais deben continuar apostando pola prestación de servizos de asesoramento a pequenas empresas e a cooperativas do sector agroalimentario para que estas poidan acceder máis rapidamente ao seu mercado obxectivo.
Promover iniciativas empresariais a través de programas de emprendemento e apoiar, por exemplo, a aqueles proxectos de investigación que perseguen a recuperación de produtos autóctonos son tamén para a presidenta de AJE Galicia ferramentas “moi válidas” para potenciar o sector agroalimentario e impulsar a economía galega.
Información e inscricións
Os empresarios do sector agroalimentario interesados en participar en leste almorzo coloquio teñen ata o mércores 4 para inscribirse. Poden facelo chamando ao 982 224 699 / 608 905 804 ou ben enviando un correo electrónico cos seus datos persoais a gerencia@fegaxe.com. Tamén poden contactar directamente con AJE Galicia a través do seu perfil en Facebook.
Fíxoo cunha exhibición de ximansia rítmica e de patinaxe artística que tivo lugar no pavillón do CEIP de Cervo e que contou coa participación da alcaldesa, Dolores García Caramés, e do edil de Deportes, David Rodríguez, que fixeron entrega dos diplomas e dun detalle a cada unhas das crianzas que asistiron neste curso ás escolas que tamen contaron con outras disciplinas como voleibol, multideporte ou balonmán.
Será ás 20 horas. Ricardo Aller de Dios é un artista visual cuxa obra se desenvolve entre a fluidez da acuarela e a solidez da cerámica. A súa práctica explora a relación entre o efémero e o permanente, a cor como ferramenta emocional e a conexión entre os elementos naturais e a forma humana. A través da acuarela, investiga a transparencia, a mancha e o azar como linguaxes expresivas, mentres que na cerámica atopa un espazo de construción pausada, táctil e meditativa, en diálogo coa terra e o lume. A exposición poderá visitarse ata o 14 de Xullo.
Entre os participantes destacou a presenza do Excmo. Sr. Bispo de Mondoñedo Ferrol D. Fernando García Cadiñanos. Tamén participaron membros de Cáritas diocesana de Ferrol. O camiño foi un descubrimento para moitos, con paraxes diferente nos seus 7 Km de percorrido.
Dentro das actividades da Concentración de Club de Morgan España, que se está a realizar estes días, tivo lugar unha visita a Mondoñedo que incluíu unha recepción por parte das autoridades municipais. Na mesma, que tivo lugar na Praza da Catedral de Mondoñedo, ao carón destes vehículos históricos, o Alcalde, Manuel Ángel Otero e a Concelleira de Turismo, Patricia Otero Doural, conversaron cos participantes e agasallaron a estes cunha bolsa con materiais sobre Mondoñedo. Tras esta breve conversa, procedeuse a realizar unha visita pola zona histórica da cidade episcopal.
Sami Ashour, natural da localidade de Khan Younis, no sur da Faixa de Gaza, onde reside a maioría da súa familia, é o presidente da Asociación galaico-árabe Jenin, que agrupa a comunidade palestina residente na Galiza. A palestra Sami Ashour pretende achegar un testemuño de primeira man sobre o xenocidio israelí en Gaza e ofrecer unha análise sobre as condicións de vida poboación gazatí.
Este xoves desde o Concello de Cervo achegaron ao alumnado dos dous colexios de infantil e primaria da localidade unha didáctica sesión teatral sobre a importancia de reciclar. O alumnado pasouno en grande "xogando a reciclar" da man de Fanny Medioambiente.
O programa dará comezo o 1 de xullo e ramatará o 29 de agosto en horario de 10:00 a 14:00 h. Levarase a cabo a través dun proxecto de voluntariado xuvenil, que nesta edición conta con cinco persoas voluntarias do Concello.
