Mondoñedo, 9 de xuño, 2025. Trala petición dos socialistas de que o goberno local asuma o pago da factura do veciño de Santa Maria Maior afectado polas chuvias, desde o consistorio apuntan que: “Resulta sorprendente que os socialistas pidan que o Concello de Mondoñedo asuma o custo da factura imposta inxustamente a un veciño derivada da intervención do Consorcio Provincial de Bombeiros polas inundacións na parroquia de Santa María Maior, cando o lóxico sería que pediran ao seu propio partido a anulación do seu cobro que consideramos absolutamente fóra de lugar, e que por certo xa se negaron a cancelar cando así o pediu o Grupo Provincial Popular nunha recente sesión plenaria da Deputación”.
Máis aínda cando se trata dunha intervención de emerxencia provocada pola rotura e os defectos da canalización das augas de drenaxe da vía LU-P3103 de competencia provincial, non sendo responsabilidade nin do veciño nin do Concello. “É indecente e indignante ver como unha estrada provincial está xerando danos na casa dun veciño e por riba, a mesma administración que lle provoca esta situación lle pretenda cobrar os custes polo achique de auga do servizo de bombeiros”.
“Pedimos, pois, menos demagoxia e máis compromiso real cos veciños e se de verdade queren ser útiles, insten á Deputación a corrixir esta situación dunha vez por todas, tal como reclaman continuamente os veciños desta parroquia que o levan sufrindo desde hai case dous anos e medio despois do primeiro episodio de rebentóns e inundacións”.
“Un compromiso que asumimos todas as forzas políticas nunha xuntanza do alcalde, Manuel Otero, nesta parroquia o pasado mes de abril e no que acordamos crear unha mesa de traballo con todas as administracións afectadas, e do que aínda estamos esperando polo nomeamento dun representante do ente provincial”.
Por último, “desde o Concello e desde o grupo provincial do Partido Popular facilitamos asesoramento legal ao veciño na tramitación das alegacións e na presentación dun recurso de reposición, polo que agora está da súa man a estimación da Deputación para que se solucione”, rematan.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
