Novena xornada a disputada o pasado sábado na pista exterior do CEIP “El Salvador” de A Pastoriza ante a imposibilidade de utilizar o campo de Vian por mor de encontrarse impracticable.
Tempo indeciso de amolante vento racheado que de cando en vez nos agasallaba con lixeiras pingueiras, pero nada serio para os bravos palanadores que culminaron a xornada sin maiores atrancos cos de esforzarse en acadar as mellores puntuacións.
Pista longa abofé. Só dous varados na tarde e os dous na cuarta carreira, acadados por o “Carabullo de Teixo” Migho e por Pepe Vidal de “O Cadaval”.
Viuse outro espectacular por parte de Rubén (rookie deste ano nas filas dos Billardeiros Musicais) pero ao ser en rolda de desempate para postos de podio, non contabiliza como tal.
Ata a terceira carreira foron moitos os que aguantaron o tipo, pero foi nas dúas derradeiras donde comenzaron a flaquear as forzas e pequenos erros fixeron grandes extragos. A puntuación viuse moi afectada deixando un so gañador destacado. Daniel fíxose ca bola de liscos con vintecatro puntos sobre os vintecinco en xogo.
Os que mais se achegaron foron Geni e Rubén (compañeiros de equipo do campión), con cadanseus vinte puntos. Nas dúas carreiras de desempate, a xuventude de Rubén impúxose craramente a veteranía de Geni. Gañou as dúas carreiras pechando ao gran campión, con un espectacular varado que non serve para puntuar pero si contabilizou para súa satisfacción persoal.
O monocolor podio desta xornada quedou completo co equipo, que como ven sendo costume, mais unha vez foron os Billardeiros Musicais de Ribadeo.
Os gañadores recibiron os trofeos da xornada e máis a “bola de liscos” (unha para o campión e outra para o mellor equipo), que gustosamente cortaron en anacos na propia pista e repartiron entre todos los presentes, pechando deste xeito e disfrutando en perfecta camaradería unha xornada mais de billarda.
O vindeiro sábado dia 23 xogarase a penúltima xornada da tempada na enxebre carballeira de Mosteiro-Pol.
As clasificacións logo desta sexta novena xornada quedan así:
Individual: Regueiro 172 p., Pepe Outeiro 171 p., Daniel 165 p., Manu Pozo 161 p. e Suso Coedo 154 p.
Donas: Geni 130 p., Lola Eiras 68 p. e Paula 62 p.
Varados: Con 3 varados Tonecho, con 2 Chousa, Geni, Luis Saavedra,Markytos, Oscar, Pepe Outeiro, Regueiro e Santi.
Equipos: Billardeiros Musicais 690 p., O Cadaval 590 p., Troitas Bravas 475 p.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
