Ribadeo, 20 de abril de 2016. Continúan as saídas formativas da Asociación de Profesores de Automoción de Galicia, que preside o ribadense Álvaro Doural. Dous profesores de Apaga realizan do 10 a 28 de abril unha estancia formativa en Olomouc, na República Checa. Nese país participan en diversas actividades como a visita ás fábricas de Hyundai, Hella e Ford e “imparten clase sobre neumáticos e alineado de dirección e deron a coñecer o material elaborado por eles mesmos en formato libro electrónico no centro Stredniskolaplytechnická, colaborando co seu profesorado”, explica Doural.
Fernando Clares e Antonio Rincón do IES Miguel de Cervantes de Murcia, son os mestres que participan nesta saída formativa. Trátase dun centro que pertence ao consorcio de 19 centros educativos que coordina Apaga.
E tamén dentro do proxecto Conocimiento e Innovación en la Formación Profesional tres profesores de APAGA están desde o pasado domingo, 17 de abril, ata o 23 deste mes noutra estancia formativa en Lisboa. No país luso realizan visitas a centros de FP, universidades e empresas do sector do automóbil. Os profesores que se atopan en Portugal son Ramón Martínez do CIFP de Ferrolterra, Nelson Da Mota do CIFP Virgen del Camino de Pamplona, e Luis Fernández do CIFP Avilés.
Álvaro Doural lembrou hoxe que “outros tres profesores membros da Asociación de Profesores de Automoción de Galicia (APAGA) atópanse nunha nova estancia formativa en Croacia dentro do programa Conocimiento e innovación en la Formación Profesional. José Luis Carballido, do IES A Sangriña de A Guarda; Manuel Martín Vidal, do CIFP Coroso de Ribeira; e Juan José López, do IES de Fene levan xa en Zagreb uns días e alí permanecerán ata o 24 de abril. Son cinco as xornadas que van estar na Elektrostrojarska Obrtnicka “visitando empresas do sector do automóbil, outros centros educativos e tamén impartirán varias clases sobre vehículos híbridos e vehículos que utilizan o hidróxeno como combustible”, segundo explica o presidente de APAGA.
Álvaro Doural engade que “estes profesores levan abundante material didáctico para doar a esta escola de formación profesional. Está previsto que manteñan unha xuntanza coa asociación de empresarios do automóbil de Zagreb. Tentarán realizar contactos con empresas para poder enviar a alumnos dos seus centros o vindeiro curso. E outro tema importante que van abordar nos centros que visiten será a formación profesional non formal e os proxectos para emprendedores”.
Na categoría ata 8 anos: 1º Paula Martínez, 6 anos. 2º Samuel Riera, 7 anos. 3º Valentina Blanco (5 anos) e Iara Pruneda (7 anos). Empate. Na categoría de 9 a 11 anos: 1º Lily Fernández, 9 anos. 2º Lily Fernández, 9 anos. Na categoría de 12 a 16 anos: 1º Iria Baltar, 12 anos.
Terá lugar o venres 23 de maio ás 20,00 horas na sala de exposicións de Regalxunqueira – Viveiro. Ademais do autor participarán a Presidenta do Club de prensa de Ferrol, Julia Diaz Sixto e María José Leira Ambrós, bióloga e sobriña da científica. Serviranse uns petiscos.
Foi baixo o título: Coñece os teus dereitos como consumidor, enmarcado nesta ocasión nunhas xornadas participativas nas que se abordarán neste mes de maio temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asoc. Xubilados Terramar. As próximas charlas serán os martes 20 e 27 de maio, no local social da asoc. de Xubilados Terramar, na Casa do Mar.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
